ZAJ NYEEM HNUB TIM 2 LUB 9 HLI 2025
HNUB PEB, LIS PIAM 22 LUB CAIJ NYOB NRUAB XYOO
COV LUS NYOB HAUV LUS KAS NTAWV MOO ZOO (LK 4: 31-37)
Kwv tij sawv daws, nyob rau hauv zaj no, nej puas xav tias vim li cas tus dab uas nkag neeg ntawd nws ho paub Huab Tais Yes Xus, nws hu Huab Tais Yes Xus ua Yes Xus Nas Xas Les, nws hais tias “Kuv paub koj yog leej twg? Koj yog Tswv Ntuj tus Ntshiab.” Ces Yes Xus txwv tsis pub nws hais ntxiv.
Ib qho peb pom tias txawv me ntsis yog qhov vim li cas Huab Tais Yes Xus thiaj txwv tsis pub tus dab ntawd hais txog Yes Xus lub npe.
Vim tias qhov Tswv Ntuj xav yog xav kom cov thwj tim ntseeg thiab lawv tshaj txog Tswv Ntuj lub npe, Tswv Ntuj tsis tau xav kom tus dab ntawd los tshaj txog Tswv Ntuj lub npe, vim tsis yog nws hauj lwm. Vim nws paub Tswv Ntuj tiam sis nws tsis ntseeg Tswv Ntuj. Tswv Ntuj xav kom cov tshaj Tswv Ntuj lub npe yog Huab Tais Yes Xus cov thwj tim uas lawv lees ntseeg txog Huab Tais Yes Xus, lawv paub Huab Tais Yes Xus thiab lawv tshaj txog Tswv Ntuj lub Moo Zoo rau ntiaj teb neeg los ntawm lawv txoj kev ntseeg tiag tiag.
Thiab nyob rau hauv lub Moo Zoo hnub no, Huab Tais Yes Xus lo lus muaj hwj chim, dab hnov dab ntshai. Li ntawd, peb tsoom ntseeg uas yog Tswv Ntuj cov tub tshaj Ntuj lus, peb cov lus yuav tsum yog los ntawm Huab Tais Yes Xus los, peb lo lus yuav tsum yog lo lus tseeb thiab muaj hwj chim nyob rau hauv peb lub neej, ces dab phem thiaj yuav ntshai peb.
Nyob zoo sawv daws.
