ZAJ NYEEM HNUB TIM 2 LUB 1 HLIS 2026
HNUB NCO TXOG LEEJ NTSHIAB NPAS XIS THIAB LEEJ NTSHIAB NQES NKOS LIS NYOB NAS XIS AS
COV LUS NYOB HAUV ZAM NTAWV MOO ZOO (Z 1: 19-28)
Kwv tij sawv daws, Zam Ntxuav Plig yog ib tug neeg tseem ceeb heev, uas nws tau xub tuaj ua Yes Xus ntej, nws lub suab hu tseem nrov ncha ntws nyob rau hauv peb nruab siab. Nws lub luag hauj lwm yog xub npaj cov neeg sawv daws siab nyob rau hauv nws txoj kab ke ntxuav, nws ua kom coob leej neeg hloov siab thiab tig los nrhiav Tswv Ntuj, kom lawv txawj hloov lawv tus yam ntxwv tsis zoo, kom phim lawv los txais Tswv Ntuj txoj kev cawm, uas tuaj ntawm Tswv Ntuj Leej Tub tuaj. Kom lawv tos txais Huab Tais Yes Xus, ua rau coob leej tau paub Huab Tais Yes Xus vim Zam Ntxuav Plig ua tus taw kev. Li ntawd, kom peb tig rov los ntsia peb lub neej saib, peb puas tau hloov los raws Huab Tais Yes Xus, thiab peb puas tau ua kom luag lwm tus paub txog peb tus Huab Tais Yes Xus Pleev vim peb cov hauj lwm.
