ZAJ NYEEM HNUB TIM 16 LUB 6 HLI 2026
HNUB PEB, LIS PIAM 11 CAIJ NYOB NRUAB XYOO
COV LUS NYOB HAUV MAS TAIS NTAWV MOO ZOO (MT 5: 43-48)
Kwv tij Hmoob, Huab Tais Yes Xus hais qhov tseeb rau peb sawv daws tias Tswv Ntuj nyiam ntiaj teb neeg sawv daws sib txig, tsis hais tus ntawd yuav yog neeg zoo los neeg phem. Huab Tais Yes Xus xav kom cov neeg tuaj mloog nws, lawv lub tswv yim ntsia pom, mas Huab Tais Yes Xus thiaj hais tias Tswv Ntuj ua kom lub hnub tuaj ziab cov neeg phem thiab cov neeg zoo, Tswv Ntuj ua kom nag los rau cov siab ncaj thiab cov siab nkhaus.
Huab Tais Yes Xus hais tias peb tau lub npe tias Tswv Ntuj cov me nyuam, mas peb yuav ua siab dav hlub luag tej ib yam li Tswv Ntuj tau hlub ntiaj teb neeg. Peb tsis txhob ua tus neeg siab nqaim tshwj zias peb txoj kev rau cov neeg nyiam peb xwb, peb txhob hlub cov neeg ntxim hlub xwb.
Li ntawd, Huab Tais Yes Xus thiaj li hais tias “Nej yuav nyiam nej cov yeeb ncuab, nej yuav thov Ntuj rau cov tsim txom nej.”
Nyob zoo sawv daws.
