ZAJ NYEEM HNUB TIM 15 LUB 12 HLIS 2025
HNUB OB, LIS PIAM 3 CAIJ TOS HUAB TAIS
COV LUS NYOB HAUV MAS TAIS NTAWV MOO ZOO (MT 21: 23-27)
Kwv tij sawv daws, nyob rau hauv zaj no, cov thawj leej choj thiab cov laus neeg, lawv tsis ntseeg txog Huab Tais Yes Xus cov lus qhia. Lawv txav los nug Huab Tais Yes Xus tias “Koj muab cai qhov twg los qhia tsoom pej xeem?”
Tab sis, Huab Tais Yes Xus muaj kev thoob tsib, nws muaj lub tswv yim zoo dua lawv, nws thiaj rov nug lawv tias ua ntej kuv yuav teb rau nej, thov kom nej xub teb rau kuv tso. Zam Ntxuav Plig, nws ua kab ke ntxuav rau ib zeej tsoom neeg sawv daws. Ua li nej xav tias nws muab cai qhov twg los?
Qhov ntawd, thiaj ua rau cov thawj leej choj tsis pom qab yuav teb rau Huab Tais Yes Xus.
Kwv tij sawv daws, kev mloog Tswv Ntuj lus, yog qhov tseem ceeb nyob rau hauv peb kev ntseeg Ntuj. Yog peb hais tias peb ntseeg txog Tswv Ntuj, tab sis, peb tsis mloog Huab Tais Tswv Ntuj cov lus, ces yog peb lam dag xwb.
Nyob rau hauv lub caij Tos Huab Tais no, thov kom peb kub siab los mloog lub Moo Zoo, thiab peb tsis txhob ua xyem xyav txog Huab Tais Yes Xus cov lus qhia, kom peb ntseeg meej tias, txhua lo lus Huab Tais Yes Xus qhia yeej muaj tseeb tiag thiab yuav tshwm sim tuaj raws li Huab Tais Yes Xus tau qhia peb, ces peb thiaj muaj kev tso siab rau Huab Tais Yes Xus. Txawm tias, peb tsis paub tias qhov tseeb tiag yog zoo li cas, thiab yuav tshwm sim tuaj zoo li cas, tsis kav yog peb ntseeg, peb muaj kev tso siab rau Huab Tais Yes Xus, ces peb yuav tsis txhawj tsis ntshai.
ZAJ NYEEM HNUB TIM 15 LUB 12 HLIS 2025
HNUB OB, LIS PIAM 3 CAIJ TOS HUAB TAIS
COV LUS NYOB HAUV MAS TAIS NTAWV MOO ZOO (MT 21: 23-27)
Kwv tij sawv daws, nyob rau hauv zaj no, cov thawj leej choj thiab cov laus neeg, lawv tsis ntseeg txog Huab Tais Yes Xus cov lus qhia. Lawv txav los nug Huab Tais Yes Xus tias “Koj muab cai qhov twg los qhia tsoom pej xeem?”
Tab sis, Huab Tais Yes Xus muaj kev thoob tsib, nws muaj lub tswv yim zoo dua lawv, nws thiaj rov nug lawv tias ua ntej kuv yuav teb rau nej, thov kom nej xub teb rau kuv tso. Zam Ntxuav Plig, nws ua kab ke ntxuav rau ib zeej tsoom neeg sawv daws. Ua li nej xav tias nws muab cai qhov twg los?
Qhov ntawd, thiaj ua rau cov thawj leej choj tsis pom qab yuav teb rau Huab Tais Yes Xus.
Kwv tij sawv daws, kev mloog Tswv Ntuj lus, yog qhov tseem ceeb nyob rau hauv peb kev ntseeg Ntuj. Yog peb hais tias peb ntseeg txog Tswv Ntuj, tab sis, peb tsis mloog Huab Tais Tswv Ntuj cov lus, ces yog peb lam dag xwb.
Nyob rau hauv lub caij Tos Huab Tais no, thov kom peb kub siab los mloog lub Moo Zoo, thiab peb tsis txhob ua xyem xyav txog Huab Tais Yes Xus cov lus qhia, kom peb ntseeg meej tias, txhua lo lus Huab Tais Yes Xus qhia yeej muaj tseeb tiag thiab yuav tshwm sim tuaj raws li Huab Tais Yes Xus tau qhia peb, ces peb thiaj muaj kev tso siab rau Huab Tais Yes Xus. Txawm tias, peb tsis paub tias qhov tseeb tiag yog zoo li cas, thiab yuav tshwm sim tuaj zoo li cas, tsis kav yog peb ntseeg, peb muaj kev tso siab rau Huab Tais Yes Xus, ces peb yuav tsis txhawj tsis ntshai.
