Zaj nyeem hnub tim 12 lub 5 hlis 2026
Hnub nco txog Leej Ntshiab Nes Les Os thiab As Kis Las
Cov lus nyob hauv Zam Ntawv Moo Zoo (Z 16: 5-11)
Nyob rau hauv Huab Tais Yes Xus cov lus cog tseg rau nws cov Thwj Tim, Yes Xus hais tias, nws yuav xa Leej Ntuj Plig Ntshiab nqes los, Leej Ntuj Plig Ntshiab hauv qhov tseeb, nws yuav tuaj pab kom cov thwj tim to taub txog Tswv Ntuj lub luag hauj lwm, thiab to taub txog Huab Tais Yes Xus. Thaum lawv muaj Leej Ntuj Plig Ntshiab coj lawv kev, lawv yuav to taub ib puas tsav yam zoo, lawv yuav paub hais tias, Huab Tais Yes Xus txoj kev tuag no, tsis yog kev swb, tiam sis, nws yog txoj kev yeej, vim nws tau yeej ib puas tsav yam hauv kev phem kev tsaus Ntuj. Vim Huab Tais tau coj txoj kev yeej tuaj txog lub ntiaj teb neeg lawm. Tus twg ntseeg txog Yes Xus thiab coj raws li Yes Xus qhia, nws yuav tau txais kev cawm, nws yuav tsis tuag ntxiv, tiam sis, nws yuav tau txoj sia nyob mus li los ua nws tug.
Thov kom peb tso siab rau Huab Tais Leej Ntuj Plig mog. Peb thov Leej Ntuj Plig pab peb, kom peb paub qhov tseeb, ces peb thiaj ua tau qhov yog, qhov ntxim Tswv Ntuj siab.
Nyob zoo.
