ZAJ NYEEM HNUB TIM 1 LUB 9 HLI 2025
HNUB OB, LIS PIAM 22 CAIJ NYOB NRUAB XYOO
COV LUS NYOB HAUV LUS KAS NTAWV MOO ZOO (LK 4: 16-30)
Kwv tij sawv daws, thaum Huab Tais Yes Xus rov los txog nws lub zos, cov zej zog kuj saib nws zoo li yog ib tug swm neeg, lawv zoo siab rov tau pom nws thiab qhuas txog nws cov dej num, tab sis thaum lawv hnov Huab Tais Yes Xus lo lus tias Tswv Ntuj lo lus tsheej xeeb tuaj nyob rau hauv nws lawm, ua rau lawv poob siab me ntsis, thiab lawv tsis ntseeg, vim lawv xav tias ib tug kws ntoo tus tub yuav txia ua Leej Pleev tau li cas?
Qhov no ua rau lawv tsis ntseeg thiab lawv tsis lees Huab Tais Yes Xus yog Tswv Ntuj Leej Tub. Yog tias Huab Tais Yes Xus tsev neeg yog ib tse neeg nplua nuj, los yog muaj suab muaj npe, mas nyaj lawv yuav lees thiab, tab sis yeej vim Huab Tais Yes Xus yug los ntawm ib tse neeg pluag pluag xwb, qhov no qhia tau tias neeg ntiaj teb tsuas hwm cov neeg nplua nuj thiab muaj suab npe xwb, yog tsev neeg twg ua lub neej txom nyem, mas luag saib tsis taus.
Qhov no yog tib neeg txoj kev twm xeeb, txij thaum ub los txog nyeem no, niaj hnub no, tsis kav peb tseem pom tias muaj li ntawd thiab.
Kwv tij sawv daws, thov kom peb nco ntsoov tias, Tswv Ntuj tsom hauv lub siab, nws saib neeg sab ntsuj plig, Tswv Ntuj yuav tsis xaiv cov neeg zoo nraum daim tawv, tiam sis nws xaiv tus neeg zoo sab hauv.
Cov neej coj ncaj coj zoo, mas yog cov Tswv Ntuj xub xaiv.
Li ntawd, kom peb zoo siab tias txawm peb ua lub neej txom txom nyem los thov kom peb ua siab loj, vim peb lub Ceeb Tsheej los tsis tau txog xwb.
Lub ceeb tsheej ntiaj teb no, tsuas yog cov neeg muaj nyiaj nplua nuj lub xwb, hos Tswv Ntuj lub Ceeb Tsheej thiaj yog cov neej ncaj neeg zoo lub.
Nyob zoo.
