Zaj nyeem hnub tim 1 lub 4 hlis 2026
Hnub Plaub, Lis Piam Ntshiab
Cov lus nyob hauv Mas Tais Ntawv Moo Zoo (MT 26: 14-26)
Kwv tij sawv daws, nyob rau hauv zaj lus hnub no, yog zaj piav txog Huab Tais Yes Xus nrog cov Thwj Tim noj pluas hmo kawg nyob rau hauv ib kem tsev hauv lub nroog Yes Lus Xas Les. Nyob rau hmo ntawd Yes Xus qhia tias, ib tug hauv lawv 12 leeg yuav muaj ib tug ntxeev siab rau Huab Tais Yes Xus, tus ntawd yog Yus Das Kas Lis Yaus, nws muab Yes Xus muab 30 lub txiaj nyiag rau cov nom tswv thiab coj thawj leej choj, vim lub caij ntawd lawv tab tom nrhiav Yes Xus thiab ntes nws coj mus tua. Hais txog qhov no yog ib qho uas txaus tub siab heev. Yog peb xav tias Yes Xus yog Tswv Ntuj Leej Tub, uas Tswv Ntuj xa nws los theej neeg lub txim txhaum, mas kuj yog ib qho uas tsim nyog peb yuav zoo siab, tiam sis, yog peb ntsia tias, Yes Xus kuj yog tug neeg li peb, txawj mob, txawj quaj, txawj ntshai tuag, txawj tu siab, mas yuav yog ib qho uas txaus tu siab kawg nkaus.
Kwv tij sawv daws, Huab Tais Yes Xus hlub peb kawg nkaus, vim nws tuaj yeem tuag kom tau cawm peb ib tsoom neeg txhaum. Huab Tais Yes Xus tsis yog tuaj coj cov neeg zoo mus nrog nws nyob saum Ntuj, tiam sis, nws tuaj cawm cov neeg txhaum, kom lawv tau kev rov mus cuag Tswv Ntuj uas yog peb tus Huab Tais Ntshiab.
Nyob zoo sawv daws.
