Teb Tswv Ntuj lub suab hu. (Answering God’s call)
Kev nyeem Ntawv Ntshiab hnub no, yog qhov nrhiav tau nyuab kawg uas nyob hauv 3 zaj nyeem yuav muaj ib txoj xov kub khiav hla. Yog lub tswv yim hais txog Tswv Ntuj lub suab hu nyob hauv kev cawm txoj sia. Thaum twg kuj xij, yog peb pib xav tias zoo kawg, nov yog kuv tes hauj lwm. Kuv ua hauj lwm nyob hauv kuv fab ntsuj plig thiab kuv yuav ntaus phooj ywg kom zoo nrog Tswv Ntuj. Los yog kuv nyeem cov ntawv no thiab kuv yuav vam meej, mas yog koj tab tom xav yuam kev.
Kev nyeem Ntawv Ntshiab, lub txiaj ntsim xub los ua ntej thiab yog qhov Tswv Ntuj ua tas mus li. Li ntawd, kuv txhais tias Tswv Ntuj xav kom peb koom tes nyob hauv nws cov txiaj ntsim. Tswv Ntuj tsis xav kom peb zoo li tus moj zeej, Tswv Ntuj thiaj xub nqis tes ua. Yog tsis ua li ntawd, mas peb tab tom nyob ntawm txoj kab kev txhaum. Yog koj xav tias koj tab tom pib tus txheej txheem no, mas kev nyeem ntawv Yes Les Mias zaj 31 : 7-9, thawj yam uas peb tau hnov yog hais txog cov His Xas Lais raug ntiab tawm. Yog lub ntsiab lus loj nyob hauv phau Ntawv Cog Lus Qub. Cov haiv neeg nyob His Xas Lais qaum teb raug cov Xis Lias ntiab kom lawv khiav tawm, thiab kwv yees 100 tawm xyoo tom qab no, cov haiv neeg nyob qab teb kuj raug cov Npas Npis Los tuaj ntaus lawv. Qhov kawg lawv kuj raug ntiab tawm hauv lub teb chaws mus. Kev sau cim tseg nyob hauv phau Ntawv Cog Lus Qub, qhov tias ib hnub twg cov raug ntiab tawm yuav rov qab los, ib hnub twg tas cov haiv neeg yuav rov sib sau los nyob His Xas Lais teb dua. Nov yog Yes Les Mias cov lus tshaj tawm. Saib ma ! Kuv coj lawv rov qab los.” Nov yog Tswv Ntuj lo lus hais rau Yes Les Mias tias : “Saib ma ! Kuv yuav coj lawv rov ntawm qaum teb los, kuv yuav sau lawv ntawm npoo ntiaj teb nrog cov dig muag thiab cov tuag ceg los nyob hauv lawv. Niam thiab me nyuam yuav rov los sib sau ua npoj.” Yog lawm ! Cov raug ntiab tawm yuav rov los thiab yog qhov Tswv Ntuj ua. Tab sis cov raug ntiab tawm yuav hais tias : “Tswv Ntuj ! Peb yuav tsis rov qab mus, peb tsis xav koom tes nrog koj.”
Peb yuav mloog nyob hauv zej nyeem ob, uas yog nyob hauv tsab ntawv Hes Nplaws zaj 5 : 5-6. Kuv tsis tshua quav ntsej txog zaj no pes tsawg, tab sis thov koj muab koj phau Ntawv Ntshiab tawm los thiab yog koj ua tau. Koj yuav muab siab rau tshawb nrhiav lo tseeb nyob hauv zaj no, vim zaj no nws ntxhov heev. Tab sis nws muaj cov ntsiab lus tseem ceeb kawg. Muaj ib yam uas kuv xav rov hais dua nyob hauv no, yog qhov tab tom hais txog tus yaj saub nyob hauv lub tuam tsev teev Ntuj. Tsis muaj leej twg tau txais lub meej mom no nyob hauv nws, yog Tswv Ntuj tsis tau hu nws xws li As Loos. Li ntawd, nws yog qhov me me thiab tsis tseeb pes tsawg. Kuv rov xav txog lub caij kuv kawm ua tub tshaj Ntuj Lus, kuv tau ua ib tug xib hwb los ntau xyoo, kuv ua tus thawj coj los 3 xyoos. Kuv cov hauj lwm yog soj ntsuam tias cov neeg no lawv puas tsim nyog yuav ua yaj saub los sis kuv kheev kheev mus koom kev sib tham.
Thaum kuv ua tus coj, kuv nug cov tub kawm txhua tus thaum lawv nkag los hauv chav kawm. Nug txog lawv tej hauj lwm uas lawv ua thiab lwm yam. Muaj tej tus tub kawm hais tias : “Txij thaum yau los nws xav ua Txiv Plig, vim yog qhov nws xav ua, yog txoj kev nws xav taug.” Ces zoo li nws teeb nws lub neej tseg lawm. Lo lus nug uas yog, mas yog qhov thaum peb nug txog lawv cov hauj lwm thiab qhov lawv ua, yog qhov tias Tswv Ntuj hu kom lawv los taug txoj kev no. Qee zaus Tswv Ntuj lub suab hu tiv qhov koj xav ua, tab sis koj yuav saib tas txhua yam nyob hauv Ntawv Ntshiab txij Has Nplas Has mus txog Yes Les Mias, txij Pob Zeb thiab Paj Lug. Nws puav leej muaj qhov tiv thaiv txog lub suab hu no.
Rov hais dua ib zaug tias : yog koj kav tas koj cov hauj lwm, mas nws tsawg dua qhov Tswv Ntuj xav tau. Koj saib seb ! Tswv Ntuj xav txog qhov Yes Xus nce mus saum Pob Zeb lub nkoj. Yes Xus hais tias : “Mus lawm tom qhov dej tob.” Vim Pob Zeb tsuas yog lis txog yam nws ua nyob ntawm ntug dej xwb. Ces yam koj xav nws zoo li yog qhov me me nyob ntawm ntug dej ntiav. Kuv xav kom koj mus rau qhov dej tob. Pob Zeb puas yuav mloog lub suab hu thiab nws puas ua raws ? Tam sim no peb yuav khaws ob zaj no nyob hauv peb nruab siab, uas yog Yes Les Mias thiab Hes Nplaws.
Ces peb yuav los saib nyob hauv Mas Kos ntawv Moo Zoo zaj 10 : 46-52.
Thaum Yes Xus tab tom mus Yes Lus Xas Les, txhais tias yog kev mus nrhiav Ntoo Cuam. Thaum Yes Xus thiab nws cov Thwj Tim tawm ntawm Yes Lis Kos mus, lawv pom ib pab neeg coob coob. Npas Tis Mes uas nws yog Tis Mes tus tub. Nws yog ib tug neeg dig muag, nws zaum thov khawv nyob ntawm ntug kev. Thaum cov His Xas Lais mus txog hauv thaj av cog lus, lawv ntaus lub nroog Yes Lis Kos. Lawv mus ua kab sab ncig tus phab ntsa zeb, lawv tshuab hom tshuab xyu, ces tus phab ntsa hauv lub nroog Yes Lis Kos vau tas. Yog lub Cim ntawm kev txhaum raug lub txiaj ntsim rhuav. Li ntawd, tsis yog ib qho txawv txav uas Yes Xus yuav ntsib teeb meem ntau yam nyuab nyob ntawd. Npas Tis Mes dig muag thiab nws paub tias nws zaum thov khawv ntawm ntug kev. Nws puas muaj hwj chim, nws tsis muaj kiag. Nws puas tau txhua yam raws li nws xav tau ? Nws tsis tau kiag li. Thaum nws hnov luag tej hais tias Yes Xus Nas Xas Les tuaj, mas nws pib hu tias : “Yes Xus Das Vis Leej Tub, thov koj khuv leej kuv.” Muaj ntau leej cem nws kom ua twj ywm. Tab sis tus neeg dig muag haj yam hu nrov nrov tias : “Das Vis Leej Tub, thov koj khuv leej kuv.” Yog lub sij hawm tseem ceeb kawg. Yes Xus nres thiab nws hais tias : “Mus coj nws los.” Ntawv Yes Les Mias hais tias : “Tswv Ntuj yuav coj cov raug ntiab rov qab los.”
Ntawv Hes Nplaws hais tias : “Tsis muaj leej twg ua yaj saub tau nws tus kheej.”
Li ntawd, Npas Tis Mes thiab peb sawv daws tau txais lub suab hu siab dua ntawd. Lub suab siab dua thiab lub zog loj dua, nws yog qhov Yes Xus hais rau Pob Zeb tias : “Thov mus rau qhov dej tob.” Yog zoo li nws tab tom raug hu kom mus nrog Yes Xus koom lub Cim Yug. Qhov ntawd yog lub Koom Txoos, yog sawv daws. Yog kev sib raug zoo nrog tus hu peb. Lawv tab tom raug hu thiab hu tus dig muag tias :
“Txhob qaug zog, sawv, Yes Xus tab tom hu koj.”
Nov yog lub sij hawm txiav txim siab, seb peb puas teb tias tau kawg, los peb yuav khiav mus lwm txoj kev. Qhov ntawd yog lo lus nug. Li ntawd, Npas Tis Mes thov kom Tswv Ntuj foom hmoov zoo rau nws. Muab nws lub tsho tshaj sab hle pov tseg, sawv thiab los cuag Yes Xus. Tam sim no koj paub lawm tias koj yog leej twg, koj paub tias koj yuav ua dab tsi. Yog qhov tseeb ntawm nws hle nws lub tsho tshaj sab pov tseg. Nyob hauv lub Koom Txoos txheej thaud, thaum koj txais lub Cim Ntxuav, koj hle cov khaub ncaws koj hnav thiab koj nqis mus hauv dej. Tom qab ntawd koj hnav cev khaub ncaws dawb xws li koj muaj lub neej tshiab lawm. Li ntawd, Npas Tis Mes thiaj hle nws lub tsho tshaj sab, hle nws lub neej qub pov tseg thiab los cuag Yes Xus.
Sim xav txog tus txiv neej no seb ma ! Nws yog neeg dig muag, nws pw nyob ntawm phab ntsa nroog Yes Lis Kos. Nws lub neej mus qhov twg tsis tau, tab sis Yes Xus hu nws. Nws muaj zog, nws sawv thiab mus cuag Yes Xus. Nyob hauv cov kab ke txais lub Cim Ntxuav, Yes Xus nug peb txhua zaus tias : “Koj xav kom kuv ua dab tsi rau koj ?”
Txiv Plig los Tswv Qhia tus ua lub Cim Ntxuav yuav nug tias : “Koj tis koj tus me nyuam lub npe hu li cas ?” Ces lawv tis npe los yog xaiv tus Leej Ntshiab rau tus me nyuam. Txiv Plig los Tswv Qhia yuav nug tias : “Nej xav kom tus me nyuam no ua dab tsi ?” Yog tib lo lus nug uas Yes Xus nug Npas Tis Mes tias : “Koj xav kom kuv ua dab tsi rau koj ?” Tus txiv neej dig muag hais tias : “Kuv tus Xib Hwb ! Kuv thov kom kuv qhov muag rov pom kev.” Nws lub ntiaj teb yog nyob qhov ntawd. Nws dig muag, nws tsis paub yuav mus qhov twg. Nws yuam kev, nws tag kev cia siab. Thaum nws raug hu kom mus hauv lub Koom Txoos thiab nyob ze Yes Xus. Yes Xus hais rau tus dig muag tias : “Koj mus mog ! Koj lub siab ntseeg cawm koj lawm.”
Nws qhov muag rov qab pom dua ib zaug ntxiv, yog qhov txaus siab thiab zoo siab tshaj. Qhov ntawd yog qhov tseem ceeb hauv zaj no uas kuv hais tias nws muaj txiaj ntsim qab hau kawg. Tus dig muag nws rov pom kev, tag nws sim neej nws raws Yes Xus qab. Zaj no yog pib ntawm tus txiv neej dig muag, nws thov khawv thiab tag kev cia siab, nws pw nyob ntawm sab phab ntsa nroog Yes Lis Kos. Xaus rau cov neeg raws Yes Xus uas lawv muaj kev cia siab. Tam sim no nws paub lawm tias nws yog leej twg, vim nws raug hu ua “Khas Les Os”. Nws swb thiab tso siab rau Tswv Ntuj lub zog. Tej zaj li no, nws puav leej tshwm sim rau peb txhua leej txhua tus.
Thov Tswv Ntuj foom hmoov zoo rau koj !
