Qhia txog lub Caij Tos Huab Tais 4 (Introduction to the liturgical season of Advent)
- Cov lus qhia los ntawm tus Xib Hwb.
Nyob rau lub sij hawm no, peb raug hu kom rov txhib peb lub siab ua lub cim ntawm kev cia siab thiab ua kev zoo siab rau lub ntiaj teb, vim peb yog neeg ntseeg. Yog lub noob thiab yog kev ceeb toom txog Tswv Ntuj txoj kev tuaj.
Yog peb xub nrhiav pom Tswv Ntuj nyob hauv peb lub neej, mas nws yuav yooj yim rau kev muab tus kheej los ua peb cov hauj lwm niaj hnub. Thiab peb yuav paub muab siab rau txog cov neeg mus los nyob hauv txhua lub sij hawm ib yam li Yes Xus tuaj.
Hais txog cov neeg txaus siab los yog tsis vam txog dab tsi hauv lawv lub neej ntxiv. Cov neeg tag kev cia siab los yog cov neeg qaug zog, mas Tswv Ntuj tho kev nyob hauv teb chaws suab puam. Kom lawv tau qhib lawv lub siab los rhuav tshem txhua sab phab ntsa thiab txuas tus kheej nrog lwm tus. Qhov tiag lwm tus yog txoj kev uas peb yuav taug kom tau ntsib tus Tswv Ntuj uas tab tom tuaj. Li ntawd, lub Caij Tos Huab Tais thiaj ua kom peb txawj lees txais peb qhov yuam kev ntawm tus neeg tso siab rau peb. Tsis hais fab kev saib xyuas lub siab ntsws, fab ntsuj plig, fab kev kawm, kev ua hauj lwm thiab hauv tsev neeg. Tab txawm nws yog qee zaus xwb kuj xij. Tau txais kev zeem tseeb hauv Tswv Ntuj txoj kev nrog peb nyob, ces Es Mas Nus Es yuav muaj lub ntsiab rau peb thiab rau lwm tus ntau dua qub.
Li ntawd, thiaj yog lub sij hawm zoo uas yuav txhab lub zog los txhib peb hauv kev tshaj lub Moo Zoo, kom peb rov muab siab rau tshaj lub Moo Zoo ntxiv. Tshwj xeeb tshaj yog qhov peb yuav nco txog cov neeg raug cais nyob hauv zej zog thiab kev ua lub neej nyob, xws li kev tsis ruaj khov thiab txoj hmoo. Lub sij hawm uas ploj mus thiab qhov muaj nqis zim txwv no. Kev ntshaw kev sov siab thiab tej kev ntxias dag hauv ntiaj teb lub cuab tam. Kev ntshaw txoj sia nyob mus li thiab kev tu siab txog qee yam hauv lub neej.
Ntawm cov neeg ntseeg, nws yog qhov maj ceev nrooj nyob tos thiab nquag teev Ntuj. Dhau ntawm kev pab cov neeg pluag txom nyem lawm, tseem yuav qhia kom mus saib cov neeg laus. Los yog ua tawm kev nyiam kev hlub me me nyob hauv yus pab neeg, kom tau txhawb nqa cov hauj lwm ‘tub ntxhais hluas tshaj Ntuj Lus’, uas yuav muaj nyob hauv lub thaj txi Ntuj hnub Epiphany, vim nws yog kev pub kev txawj ntse tiag tiag. Kev tos txais uas sov siab thiab txhawj xeeb txog cov neeg txais kev ntseeg tshiab, kom tau txais lub Cim Ntshiab hauv kev ua neeg ntseeg. Tshwj xeeb tshaj yog cov niam cov txiv uas xav txais lub Cim Ntxuav, thiab cov txij nkawm uas txais lub Cim Cog Lus lawm. Tsim nyog ua kom pom txog kev muab siab rau hauv zej zog uas tab tom raug lub caij ntuj no, kom lawv tau txais kev sov siab los ntawm tib neeg thiab hauv Ntawv Ntshiab.
Lub Caij Tos Huab Tais tsis yog qhia los ua tawm txog lub suab nruj hauv lub Caij Plaub Caug xwb, tab sis yog kev zoo siab puv npo ntawm cov yim neeg ntseeg los sib sau nrog Yes Xus nyob hauv 2 tug yam ntxwv. Yog kev tshaj lub Moo Zoo thiab kev tos txais. Kev txais lub Cim Yug hauv Hnub Chiv, yog lub sij hawm mus kev hauv kev ntseeg thiab kev muab siab rau pab luag tej, thiaj yuav mus txog qhov kawg tau. Tab txawm lub Cim uas coj tuaj, xws li 4 tug tswm ciab ntawm cov paj ntoos uas npaj tos txais, kuj muaj txiaj ntsim qab hau. Kev ua lub neej faib lub hwj chim mus rau cov thaj tsam muaj txoj sia, yog qhov uas Vaj Qhia Fas Ntshis Kus nyiam kawg. Cov neeg ntseeg lub neej thiaj taw mus rau poj niam thiab txiv neej, cov uas lawv sib ntsib txhua txhia hnub, kom paub tias tsis muaj kev sib cais. Yog qhov pov thawj ntawm kev cia siab uas ntseeg tau thiab yuav tsis ua kom tu siab.
Kwv tij Hmoob sawv daws ! Hnub no peb tham txog lub Caij Tos Huab Tais los xaus li no xwb. Thov Huab Tais Yes Xus Pleev lub txiaj ntsim nrog nej nyob, ua nej siab kaj lug ! lwm zaus peb mam sib ntsib dua. Nej sawv daws nyob zoo !
