Qhia txog lub Caij Tos Huab Tais 1 (Introduction to the liturgical season of Advente)

1. 108 Qhia txog lub Caij Tos Huab Tais. (Introduction to the liturgical season of Advent)

Lub Caij Tos Huab Tais tab tom los yuav txog. Lub Caij Tos Huab Tais yog Tswv Ntuj nyob. Lub Caij Tos Huab Tais yog kev tshwm sim.

“Peb tshaj tias Yes Xus yuav tuaj, vim kev tuaj ntawm Yes Xus tsis yog ib zaug xwb. Tab sis yog rov tuaj zaum ob thiab yuav nto koob meej dua thawj zaug.”

Lub ntsiab lus ntawm 3 lo lus no, ua kom peb tig rov mus rau thawj tiam neeg ntseeg hauv lub Koom Txoos. Tiag tiag mas yog hais txog Yes Xus kev tuaj zaum 3, uas peb muab xaus li no : Yes Xus tuaj nyob nruab nrab hauv peb zim txwv no. Nyob hauv cov kab ke thiab peb cov liv xwm, vim Yes Xus nqes los ua neeg zoo li peb lawm. Yes Xus tuaj hauv ntu kawg lub koob meej ntawm kev sawv rov qab los.

Koj tuaj yeem npaj cov lus piav raws li qhov koj xav tau.

Qhov tseeb tiag, kev tuaj ntawm Yes Xus ntawd, nws ua ntu zus nyob nruab nrab hauv peb thiab hauv neeg cov liv xwm. Tom qab Yes Xus txais lub koob meej hauv kev sawv rov qab los, nws tau coj neeg thiab tas txhua yam mus txog qhov zoo txhij txhua hauv fab ntsuj plig. Lub neej ua neeg ntseeg no tsis muaj qhov rov ua dua, tab sis kheev kheev muaj tej xwm tshiab uas xav tsis txog thiab txawv heev. Yog kev tuaj ntawm tus Yes Xus uas raug ntsia nyob saum Ntoo Cuam thiab muaj txoj sia nyob mus li.

Li ntawd, thiaj yog cov xwm tshwm sim nyob hauv lub Caij Hla.

Lub tswv yim ntawm cov neeg ntseeg thiab lub Koom Txoos yog kev teb, kev qhib siab tos txais lub suab hu, mus kev hauv kev tso siab, kev cia siab thiab kev muab siab rau, kev zoo siab thiab kev nyiam kev hlub. Los ntawm qhov pom kev hauv Ntawv Ntshiab uas yog Yes Xus Nas Xas Les, rau cov neeg khuv leej nyob hauv ntiaj teb no.

Li ntawd, lub Caij Tos Huab Tais thiaj hais txog lub ntsiab tseeb tiag thiab lub zog hauv cov neeg ntseeg. Nyob hauv cov keeb kwm ntawd, yog kev mus ntsib Tswv Ntuj tus nyob ze peb.

Lub chiv keeb hauv lub caij no, yog lub caij muaj cov kab ke ruaj khov thiab tshwj xeeb nyob hauv cov neeg ntseeg tus txheej txheem. Lub hom phiaj ; yog xaus rau Hnub Chiv tom qab lub caij Pentecosh. Xaus cov kab ke yav tas thiab rov pib dua lub xyoo tshiab. Lub Cim hauv lub caij no yuav muab piv tsis tau rau lwm lub caij, xws li lub Caij Plaub Caug. Nyob hauv lub caij no tsis muaj qhov nruj thiab nco txog kev txhaum, tab sis yog lub Cim qhia peb lub siab hauv kev ua lub neej zim txwv no kom ras txog. Ceev faj, nquag teev Ntuj thiab ua hauj lwm, vim Yes Xus tab tom tuaj. Hauv lub caij no kev tsuj xeeb cov kab ke Hnub Chiv thiab nruab lis piam, puav leej yog qhia kom muaj kev cia siab. Qhov tseeb tiag lub npe hauv Yes Xus kev nthuav tawm, yog Ho Erchómenos uas txhais tias ‘tus tab tom tuaj’. Yes Xus tab tom tuaj, los yog tus ua kom Yes Xus yees tawm tuaj. Xeem lus Hes Laas hauv Ntawv Ntshiab, lo lus tias ‘nyob’, ua kom pom txog kev txav mus los. Kev tuaj zaum no yog keeb kwm, tab sis tsis yog kev lam tuaj ib ntus xwb thiab tsis muaj txoj lw tso tseg. Yog kev ua kom Yes Xus tawm tuaj thiab ua nyob hauv cov His Xas Lais lub neej. Dhau ntawd kuj yog nyob hauv cov neeg ntseeg zim txwv no. Yes Xus txoj kev tuaj, yog nws txoj kev nyob.

Hauv lub Caij Tos Huab Tais, cov neeg ntseeg yuav tsuj xeeb thiab tshaj tias Yes Xus tuaj hauv ntau txoj kev. Nws tuaj ua ntu zus hauv nyob hauv cov caij dhau los, thiab Yes Xus tuaj zaum kawg nyob hauv lub caij kawg uas cov Hauv Paus Xa Lus hu ua ‘Parousia’ ntawd, qhov tseeb tiag yog ‘kev nyob’ ntawm Yes Xus zim txwv no thiab nyob mus ib txhis. Hauv xeem lus Latin, lo lus tias Adventus yog hais txog kev tuaj. Thiab kuj yog hais txog kev nyob uas tshwm sim nyob hauv peb zim txwv no.

Kev tuaj no tsis yog ncaj qha hais txog lub Caij Yes Xus Yug Los. Qhov tseeb tiag, Adventus yog txuas nrog lub Caij Yes Xus Yug Los xwb. Tsis yog hais txog qhov kawg los yog qhov xaus. Yes Xus yug los yog lub caij tsuj xeeb qub dua ntawd.

2. Cov txheej txheem lub keeb thiab cov kab ke.

Hauv lub caij ua cov kab ke no, tej zaum lub chiv keeb yog nyob hauv tiam 4 ntawm cov Xyis Pas Yas thiab cov Gaul. Lawv siv 6 lub lis piam hais txog kev npaj ua hmoov Yes Xus yug los. Muaj tus yam ntxwv xws li cov Txiv Twj Cuab, ib yam li cov kab ke Ambrosia zim txwv no. Nyob Los Mas tsis muaj pov thawj dab tsi hais txog kev npaj ua hmoov Yes Xus yug los ua ntej tiam 7. Yog lub caij pib muaj kev cev lus thov, kom muaj kev tsuj xeeb nyob hauv cov kab ke no. Tab txawm tias muaj kev tsuj xeeb nyob hauv xyoo 203-204 kuj xij. Hos kev tsuj xeeb raug kev cai uas yog hnub tim 25 lub 12 hlis, yog pib txij xyoo 336 los. Cov kab ke ua thaj txi Ntuj hauv Ntawv Ntshiab txheej thaud, uas yog peb cov poj yawm txwv koob tej ntawv ua thaj txi Ntuj, tau muab los sib sau ua ke khaws tseg hauv lub npe tias : ‘kev teev Ntuj hauv Tswv Ntuj kev tuaj txog.’ Vam tias yuav yog qhov ntxim siab hauv kev nco txog Yes Xus tuaj zaum kawg. Nyob hauv lub caij kawg no, yog qhov ncav sij hawm. Tshwj xeeb tshaj yog ze thaum xaus lub xyoo. Adventus yog hais txog kev tuaj, thiab kuj yog hais txog kev nyob. Vim phau ntawv ua thaj txi Ntuj txheej thaud, mas xyoo tsuj xeeb yog pib ntawm hnub Yes Xus yug los, thiab xaus rau Hnub Chiv kawg hauv lub Caij Tos Huab Tais.

Peb tsis paub tseeb tias cov Hnub Chiv no rais ua lub caij Yes Xus Yug Los tau li cas thiab yog thaum twg ? Tab sis yog qhov mus tau xws li lub Caij Hla ua kom muaj lub Caij Plaub Caug. Li ntawd, lub Caij Tos Huab Tais hauv Los Mas cov kab ke thiaj muaj 2 yam zoo. Yog kev nco txog Yes Xus rov tuaj zaum kawg thiab kev npaj ua hmoov tsuj xeeb Yes Xus yug los. Tom qab no lub caij no thiaj rais ua lub Caij Yes Xus Yug Los thiab lub caij Epiphany ib yam li lub Caij Plaub Caug uas tab tom mus rau lub Caij Hla. Yog pib ntawm 50 hnub hauv kev tsuj xeeb Yes Xus sawv rov los. Lub Caij Tos Huab Tais xaus rau lub Caij Yes Xus Yug Los.

Yog kev qhib lub Caij Yes Xus Yug Los. Yog qhov Yes Xus tshwm sim los nyob hauv tus yam ntxwv ua neeg zoo li peb. Kev daws kho dua tshiab yog tshwm sim tom qab lub rooj ncauj lus Vas Tis Kas Ob, uas xav qhia txog ob lub ntsiab hauv lub Caij Tos Huab Tais los yog kev npaj siab tias : yog kev tos Yes Xus rov tuaj zaum kawg thiab kev npaj ua hmoov tsuj xeeb Yes Xus yug los. Lub Caij Tos Huab Tais muaj 2 yam, yog lub caij npaj tus kheej tos txais lub Caij Yes Xus Yug Los. Yog kev nco txog Tswv Ntuj Leej Tub tuaj nyob hauv neeg thawj zaug, thiab yog lub caij tus ntsuj plig tos txog hnub Yes Xus rov tuaj zaum ob. Yog qhov xaus ntawm lub caij nyoog.

Li ntawd, peb thiaj hais txog ob lub caij uas sib txawv, nyob hauv lub Caij Tos Huab Tais thiab qhov no ua kom nkag siab yooj yim. Vim thawj feem hais txog lub ntiaj teb nrog Tswv Ntuj sib ntsib. Feem ob yog hais txog cov xwm txheej xub tshwm sim ua ntej Yes Xus yuav yug los. Peb yuav pom tus piv txwv no nyob hauv thawj kab lus hauv lub Caij Tos Huab Tais. Hais tawm nyob hauv ntu nruab nrab tias ‘yog lub caij tos txais Yes Xus thawj zaug.’ Kev nyeem cov zaj nyeem Hnub Chiv, pab kom peb txawj pom txog tej yam zoo sib xws thiab lub ntsiab tseeb tiag.