Koj yuav saib xyuas cov neeg pluag tau li cas? (How are you caring for the poor?)

Koj yuav saib xyuas cov neeg pluag tau li cas? (How are you caring for the poor?) 

Vaj Qhia Npes Nes Dis hais tias : lub Koom Txoos tau ua 3 yam tseem ceeb thiab 3 yam tseem ceeb uas lub Koom Txoos ua yog tshaj lub Moo Zoo, teev hawm Tswv Ntuj thiab saib xyuas cov neeg pluag txom nyem. 3 yam no koj sim xav kom txhua thiab cov Txiv Plig puav leej yog nyob hauv ib nqe ntawm 3 nqe tag nrho. Qhov tseeb tiag tas cov Txiv Plig kuv xav tias lawv puav leej nkag siab. Kuv kuj xav tias 3 tug Vaj Qhia kawg, lawv yog qhov ntxim siab kawg. Kuv xav txog ib tug nyob hauv 3 tug Vaj Qhia, mas kev tshaj lub Moo Zoo yog tus yawm sij tseem ceeb ntawm Vaj Qhia Zam Paj Lug Ob, ces qhov ntxim siab ntawm Vaj Qhia Zam Paj Lug Ob yog kev tshaj lub Moo Zoo. Vaj Qhia Npes Nes Dis, mas nws hais txog kev teev Ntuj ntau dua. Vim nws ntxhov siab txog txoj kev teev Ntuj uas zoo zoo. Vaj Qhia Fas Ntshis Kus, mas kuv xav tias yog qhov tseeb kawg thiab, vim nws muab siab rau txog cov neeg pluag txom nyem txij hnub nws tau ua Vaj Qhia los. Yog qhov zoo ntawm Vaj Qhia kev qhuab qhia thiab kev ua tawm. Tas 3 tug Vaj Qhia puav leej ua zoo thiab coj zoo ib yam. Txawm li cas kuj xij, lub Koom Txoos muaj nce muaj nqis tas li nyob hauv ntau tiam los lawm. Yeej yuav muaj ib tug nyob hauv peb tug Vaj Qhia uas raug hais txog ntau tshaj.

Thov nco cia tias Tswv Qhia Hummes uas nyob Nplas Xis teb, yog tus hais tawm tam sim uas xaiv tau Vaj Qhia Fas Ntshis Kus tias : Vaj Qhia Fas Ntshis Kus mus ntsib nws tus phooj ywg thiab hais tias : “Txhob hnov qab cov neeg pluag txom nyem.” Thiab Vaj Qhia Fas Ntshis Kus hais ntxiv tias : txhua yam no nyob rawv hauv nws lub tswv yim thiab lub siab txij hnub ntawd los. Nws xav kom lub Koom Txoos nyob hauv cov neeg pluag txom nyem. Qhov nws ua li ntawd, nws tsis tau xav tej yam tshiab ntxiv, vim lub Koom Txoos yeej ib txwm ua li ntawd los ntau pua xyoo lawm.

Txij Leej Ntshiab Tes Les Xas Kas Kws Tas mus txog rau Vincent de Paul, mus txog Dorothy Day, Martin de Porres, Peter Claver, Fas Ntshis Kus As Xis Xis, Zam Chrysostom, thiab As Nplhos Xyus nyob Mis Las. Kuv hais yog keeb kwm nce nce nqis nqis thiab koj tuaj yeem nrhiav tau nyob hauv lub Koom Txoos cov neeg pluag txom nyem. Nws yog los qhov twg los, los yog hauv Ntawv Ntshiab ?

Kuv twb tau hais lub lis piam tag los lawm tias Ntawv Ntshiab muaj qhov tshwj xeeb raws Ntawv Ntshiab hais : kev ua tus coj hauv kev tseev tsim thiab kev lag luam yog zoo li cas ? Yog qhov chaw ntawm cov thawj coj uas siv lub hwj chim caij tsuj lwm tus. Tam sim no peb tau nyeem cov zaj hais txog Mais Xes thiab cov yaj saub tas lawm, zaj no yog qhov tseeb nyob hauv His Xais, Yes Les Mias, Es Xes Kias, Das Nias thiab lwm tus yaj saub. Nos Hes yog tus uas Lus Thes nyiam tshaj plaws, tus yaj saub As Mos yog tus qhuab qhia cov neeg caij tsuj cov neeg pluag. Peb puas tau nco txog cov neeg nyob ib ncig peb uas lawv raug tsim txom thiab yoo tshaib tsis muaj tsev nyob ? Peb puas zoo li tus nyiam Xis Yoos uas pw nyob saum lub txaj tswm zooj ? As Mos hais tias : yog koj xav mas txaus lawm. Lawv noj haus hauv tej lub ntim thiab pleev roj, lawv tsis raug mob vim Yos Xes kev piam sij. Muaj coob leej neeg yoo tshaib tab sis peb noj haus nchuav ntws, peb pleev cov tshuaj tsw qab uas zoo tshaj. Peb siv nyiaj txiag rau txoj kev saib xyuas peb tus kheej ntau npaum cas ? Tab sis peb tsis nco txog cov neeg yoo tshaib thiab pluag txom nyem. 

Txhua zaus uas peb tshaj lub Moo Zoo, peb pom thiab hnov cov xwm no, mas kuv ntxhov siab kawg. Kuv tab tom xav txog zaj hais txog Las Ntxas Los thiab tus neeg nplua nuj. Cov neeg nplua nuj thiab muaj hwm chim, mas luag cav txog lawv. Tab sis cov neeg me thiab neeg pluag puas muaj leej twg quav ntsej txog. Zoo li Las Ntxas Los uas nws tsuas yog ib tug neeg pluag xwb, tsis muaj neeg cav txog nws lub npe.

As Mos hais tias : tus neeg nplua nuj nws noj haus tej txhiam xws zoo zoo nyob ntawm nws qhov rooj, tab sis nyob ntawm nws qhov rooj muaj Las Ntxas Los nyob ntawd. Las Ntxas Los yog neeg pluag, nws tshaib nqhis kawg, nws tsis muaj tsev nyob thiab dev yaim nws tej kiav txhab. Niaj hnub tus neeg nplua nuj hla mus los ntawm nws lub qhov rooj, tab sis nws tsis quav ntsej txog. Las Ntxas Los tsuas vam tias nws yuav tau noj tej txhiam xws seem uas poob ntawm tus neeg nplua nuj lub rooj los. Hnub Las Ntxas Los tuag, mas nws raug coj mus lawm. Thaum tus neeg nplua nuj tuag, nws kuj raug coj mus. Las Ntxas Los tau mus saum Ntuj Ceeb Tsheej, tab sis tus neeg nplua nuj tsis tau mus. Peb yuav los saib Mas Tais zaj 25, uas hais txog tus yaj thiab tus tshis nyob ntawm Tswv Ntuj sab xis thiab sab laug, yog lawv tau txais kev cawm lawm. Koj tau ua dab tsi rau kuv cov kwv tij, mas kuj yog koj ua rau kuv.

Cov neeg nplua nuj pub nyiaj rau lub Koom Txoos ntau kawg, thiab lawv xav kom luag tej ua lawv tsaug. Hos cov neeg pluag txom nyem nyob nrog lawv txoj kev txom nyem. Thaum tus neeg nplua nuj tuag, nws thov Has Nplas Has tias : koj tso neeg mus hais rau kuv cov kwv tij thiab qhia kom lawv paub. Tab sis Has Nplas Has hais tias : tab txawm muaj ib tug neeg sawv hauv cov tub tuag rov los hais tsis kav lawv yeej tsis mloog. Peb cov neeg ntseeg paub tias : muaj ib tug neeg sawv hauv cov tub tuag rov los, nws yog Yes Xus. Yes Xus tuag thiab sawv rov los tau 2,000 tawm xyoo no lawm, peb puas mloog nws cov lus ? Peb feem coob tsis muaj neeg mloog, vim lawv tsis nyiam Yes Xus. Tab sis yog thaum peb raug txiav txim, mas peb hais tias peb mloog. Peb kuj zoo ib yam li tus neeg nplua nuj uas thaum nws tuag mus lawm, nws mam thov Has Nplas Has. Dorothy Day hais tias : txhua yam uas cov Kav Tos Liv tau txais nyob hauv lub Cim Ntxuav yog kev ntxuav lub cev thiab fab ntsuj plig. Peb yuav khuv leej cov neeg pluag, pub mov rau cov neeg tshaib nqhis noj, pub dej rau cov nqhis dej haus, pub khaub ncaws rau cov tsis muaj hnav thiab pub chaw so rau cov neeg tsis muaj tsev nyob. Thaum peb nrhiav tau 100 txhiab nyiaj, mas peb yuav faib rau cov neeg pluag txom nyem. Peb yuav khaws peb cov nyiaj rau hauv peb lub nas nyiaj tseg rau Las Ntxas Los nyob ntawm tus neeg nplua nuj qhov rooj.

Peb yuav pub nyiaj rau cov neeg xav tau kev pab. Peb yuav tso nyiaj rau lub thawv tso nyiaj nyob ntawm peb qhov rooj txhua zaus peb tawm mus. Kom peb nco ntsoov tias qhov peb ua li ntawd, yog peb npaj rau cov neeg pluag txom nyem. Peb yuav coj ncaj rau txhua tus neeg, thiaj yuav pab tau peb kom peb muaj lub siab hlub cov neeg pluag. Hnub no peb thiaj muab zaj hais txog Las Ntxas Los coj los tab kaum koj, thov koj mloog thiab coj mus ua raws. Thov Tswv Ntuj foom hmoov zoo rau koj !