Kev txhaum yog dab tsi ? (What’s sin?)
Cov phooj ywg hmov thiab tshua sawv daws ! Hnub no lub Koom Txoos kom peb nyeem zaj tseem ceeb ntawm peb lub keeb. Peb yuav los saib nyob hauv ntawv Hauv Paus zaj 1 zaj 2 thiab zaj 3. Yog ib zaj muaj lub ntsiab tseem ceeb heev. Zaj 3 yog hais txog neeg poob hauv kev txhaum thiab lub keeb txhaum. Zoo li yog rov nrhiav tau txoj kev txhaum dua ib zaug, ces peb yuav los mloog cov ntsiab lus ntawm kev txhaum. Qhov peb hnov no txawv heev. Tus sau nws paub txog qhov tob ntawm kev txhaum uas ntxim Tswv Ntuj siab. Peb yuav mloog ib zaj luv luv nyob hauv Ntawv Ntshiab.
“Tom qab tus txiv neej ntawd noj lub txiv ntoo lawm, Tswv Ntuj hu nws thiab nug nws tias : “Koj nyob qhov twg ?” Tus txiv neej teb tias : “Kuv hnov koj lub suab hu nyob hauv lub vaj, tab sis kuv txaj muag vim kuv liab qab, kuv thiaj khiav nkaum.”
Vim li cas nws thiaj ntshai Tswv Ntuj ? Yog vim nws txaj muag, nws liab qab, nws thiaj khiav nkaum. Tab sis ua ntej ntawd nws kuj liab qab, nws tsis tau khiav nkaum, yog ua li cas tiag ? Yog vim kev txhaum tshwm sim nyob hauv nws, ua kom nws paub txog kev txaj muag thiab paub txog qhov ntshai. Kev nyuab siab yog dab tsi ? Nws yog lub cim ntawm kev paub txog tus kheej. Thaum koj paub txog koj tus kheej, koj qaug rau tus kheej, ces yog lub sij hawm uas koj paub tu siab. Nyob hauv zaj no muaj dab tsi tshwm sim rau As Das. Thaum lub chiv keeb, nws liab qab, nws tsis ntshai Tswv Ntuj. Nws tsis txawj txaj muag, tsis khiav nkaum Tswv Ntuj. Tab sis tam sim no vim kev txhaum yog qhov nrug deb ntawm Tswv Ntuj, yog qhov hla Tswv Ntuj txoj cai, ces nws thiaj paub mob siab thiab txaj muag. Nws thiaj xuas nplooj ntoos los thaiv nws lub cev thiab yog qhov zoo heev hauv txoj kev ntshai Tswv Ntuj.
Koj sim xav txog thaum koj nyob ntawm koj tus phooj ywg hauv ntej, nws tsis yog tus neeg koj nyuam qhuav paub, nws yog koj tus phooj ywg zoo. Koj tuaj yeem nthuav qhib koj lub siab tau rau nws. Koj tuaj yeem qhia koj tus kheej, koj tsis xav tias koj yuav zais tej yam rau nws. Tab sis qhov tshwm sim rau peb, yog peb cov txhaum. Kev txhaum ua kom peb txaj muag thiab muab tej yam ntawd zais cia. Yog qhov peb ua mob rau Tswv Ntuj. Tej kev txhaum ntawd ua kom peb hnov qab peb tus kheej, yog qhov peb nrug deb ntawm Tswv Ntuj. Yog Tswv Ntuj chim rau peb cov txhaum thiab Tswv Ntuj npau taws tias ua cas peb tsis mloog Tswv Ntuj, mas Tswv Ntuj tsis yog tus Tswv Ntuj nyob hauv Ntawv Ntshiab. Vim tus Tswv Ntuj nyob hauv Ntawv Ntshiab tsis zoo li ntawd. Tus Tswv Ntuj uas yog peb Txiv, nws tsis swb peb, nws raws nraim peb thiab saib seb peb nyob qhov twg. Tab txawm peb khiav ntawm Tswv Ntuj, tsis kav nws nrhiav peb. Vim kev nrug deb Tswv Ntuj yuav ua rau muaj kev txaj muag, thiab kev txaj muag yuav muaj dab tsi tshwm sim ? Tswv Ntuj hais tias :
“Vim li cas koj noj cov txiv ntawm tsob ntoo uas kuv txwv tsis pub koj noj ?.
Tus txiv neej teb tias : “Yog tus poj niam uas koj tso los nrog kuv nyob ntawm no, nws qhia kom kuv noj. Nws muab lub txiv uas txi ntawm tsob ntoo rau kuv noj, ces kuv thiaj noj.” Tswv Ntuj hais rau tus poj niam tias : “Vim li cas koj thiaj ua li no ?”
Tus poj niam teb tias : “Nab ntxias kom kuv noj, ces kuv thiaj noj.”
Kev nrug deb Tswv Ntuj coj peb mus rau kev txaj muag thiab kev txaj muag, coj peb mus rau kev raug kiam. Nws yog ib qho uas txaj muag thiab raug kiam raug hais, nws yog qhov teeb meem uas tshwm sim rau peb. Peb txoj kev txaj muag, txoj kev raug kiam nws yog qhov txaus ntshai nyob hauv peb. Thaum peb ntsib kev nyuab siab, peb yuav ua li cas ? Peb pib pov kev txhaum mus rau cov neeg nyob ib ncig peb, yog qhov peb ua thiab yog qhov peb tsis sov siab. Nab yog leej twg ? Nab puas lees paub txog peb tej kev txhaum ? Nab ntxias kom peb ua txhaum, kom peb txaj muag, ces peb raug kiam raug hais. Nyob hauv Ntawv Ntshiab peb hu tus nab ua “Xas Tas”. Xas Tas yog tuaj ntawm kev ntxias dag tuaj. Xas Tas yog tus ntxias tus poj niam kom noj lub txiv ntoo uas Tswv Ntuj txwv tsis pub noj.
Tus neeg kiam, txawm li cas los peb yeej poob nyob hauv txoj kev kiam no lawm, Tswv Ntuj yeej tsim lub ntuj nyob hauv txoj kev txhaum. Kev sib nrug, kev txaj muag thiab kev kiam uas peb sawv daws ntsib, kuv tsis paub txog koj. Nyob hauv ntawv Hauv Paus zaj 3, koj yuav nkag siab txog qhov uas kav peb lub neej ntau dua. Tam sim no peb yuav los tham txog qhov nyob hauv ntawv Moo Zoo. Qhov no qhia peb nyob hauv ntawv Hauv Paus zaj 3 tias : lub ntiaj teb uas peb nyob no yog pib los li cas. Tej kev txhaum thiab kev kiam yog pib li cas ? Yes Xus yog leej twg ? Tswv Ntuj nyiam thiab hlub lub ntiaj teb uas puas tsuaj, ces nws thiaj xa nws Leej Tub Twm Zeej nqes los ua neeg, kom xwv tus ntseeg txog Leej Tub tau txais txoj sia nyob mus li.
Nws tuaj ntawm qhov txhaum tsis xwm yeem sab nraud tuaj, tab sis nws tuaj rau qhov txhaum xwm yeem uas tsis yog nws tug. Nws ua hauj lwm dab tsi ? Puas yog tuaj ntiab Xas Tas tawm mus. Cov teeb meem no yog nyob hauv kev nyeem Ntawv Ntshiab, tus kiam ua kom txawv txav, kev txaj muag thiab kev kiam. Yes Xus cov hauj lwm yog kev txhawb lub zog tawm mus. Peb saib seb Yes Xus yuav hloov kev txaj muag thiab kev kiam nyob hauv lub Moo Zoo li cas ? Nws puas muaj feem txog cov hauj lwm ua kom neeg txaj muag ? Tab sis nws tsis yog, nws caw neeg thiab zam txhaum. Kev noj haus nrog cov neeg txhaum, cov niam ntiav thiab cov neeg sau se, nws tsis muaj qhov kiam, nws yog kev zam txim txhaum thiab kev khuv leej tsis cais leej twg. Qhov zoo nyob hauv Ntawv Ntshiab no, yog kev sib koom ntawm Yes Xus thiab caw sawv daws kom nkag los.
Koj puas pom tias qhov rhuav tshem Xas Tas yog nyob qhov twg ? Peb yuav los mloog ib qho ntxim siab nyob hauv Mas Kos ntawv Moo Zoo. Thaum nws cov kwv tij tau hnov txog zaj no. Lawv yuav hais tias nws ntiab dab, lawv yuav xa neeg mus ntes nws, vim lawv xav hais tias nws puas hlwb lawm. Lo lus no yog txhais tias nws tsis nyob hauv qhov chaw teeb meem tshwm sim, qhov chaw txaj muag thiab chaw kiam. Nws yog tuaj sab nraud tuaj. Nyob hauv lub ntiaj teb uas muaj txhaum, nws thiaj zoo li neeg puas hlwb, vim nws zoo li ntawd. Nws ua lub ntiaj teb rov quav qees. Tas cov kws ntawv thiab cov thawj coj kev ntseeg, lawv yog tuaj ntawm Yes Lus Xas Les tuaj thiab hais tias : “Nws yog raug tus dab Npes Ntxas Npus thiab nws ntiab dab.”
Tab sis Yes Xus hais tias : “Xas Tas yuav rov ntiab Xas Tas tawm mus tau li cas ?”
Yog lub Ceeb Tsheej twg sib tawg, mas lub Ceeb Tsheej ntawd yuav nyob tsis tau. Yog tsev neeg twg sib tawg, mas lub tsev ntawd kuj nyob tsis tau thiab. Kuv tuaj hauv lub ntiaj teb no kom tau ntiab Xas Tas, kuv tuaj ntiab yam uas tuaj kav tas neeg lub neej. Kom tau rhuav tshem kev txaj muag, kev raug kiam thiab sau Tswv Ntuj lub Ceeb Tsheej los ua ke. Tswv Ntuj lub Ceeb Tsheej tsis yog lub Ceeb Tsheej pib los ntawm kev txhaum thiab lom neeg txij lub hauv paus los. Kuv tab tom ntiab tus huab tais ntawm lub Ceeb Tsheej ntawd tawm mus, kom tau ua tus tswv ntawm lub Ceeb Tsheej tshiab nyob hauv kev nyiam kev hlub, kev sib pom dej siab, tsis sib cais thiab txawj zam txhaum. Ntawv Ntshiab yog lub ntiaj teb tshiab tuaj txog lawm, tus huab tais qub tab tom raug ntiab tawm mus, thiab tus vaj tshiab tab tom tuaj. Peb yuav lees txais kev ua vaj ntawm Yes Xus nyob hauv Tswv Ntuj lub Ceeb Tsheej.
Thov Tswv Ntuj foom hmoov zoo pub rau koj !
