3 yam uas tau txiaj ntsim hauv lub Caij Plaub Caug.
Tam sim no peb los txog lub Caij Plaub Caug, uas yog ib ntu sij hawm tseem ceeb hauv lub xyoo teev Ntuj. Lub Caij Plaub Caug, lub Koom Txoos thov kom peb ua 3 yam xws li ; teev Ntuj, yoo mov thiab sib faib. Yam uas kuv xav ua hnub no, yog piav qee yam yooj yim txog 3 hom neeg ntawd.
Cov hauj lwm tseem ceeb nyob hauv lub Caij Plaub Caug, yog teev Ntuj, yoo mov thiab faib rau luag. Li ntawd, ua ntej hauv kev thov Ntuj kuv ib txwm nco txog Zam ntawm Das Mas Kas tas li. Lub ntsiab hauv kev thov Ntuj, Zam hais tias kev thov Ntuj yog kev txhawb nqa lub tswv yim thiab txhawb lub siab kom nyob ze Tswv Ntuj. Muab yus lub siab lub ntsws los cev rau Tswv Ntuj. Koj sim xav seb ma ! Niaj hnub peb maj rau peb tej dej num, peb tej liaj teb thiab peb tsev neeg xwb puas yog ?
Peb puas tau ua tiav raws li peb lub hom phiaj ? Vim li cas tus neeg ntawd thiaj saib tsis taus koj ? Koj puas txaus siab ? Koj nyob nrog txhua yam uas hais los no. Koj tsis tau muab koj lub siab lub ntsws los cev rau Tswv Ntuj ib zaug li. Kev teev Ntuj yog kev ntaus phooj ywg nrog Tswv Ntuj, nws yog kev sib raug zoo nrog Tswv Ntuj. Kev teev Ntuj yuav pab kom kev phooj ywg thiab kev sib raug zoo ntawm peb thiab Tswv Ntuj ruaj khov tuaj. Li ntawd, nyob hauv lub Caij Plaub Caug peb thiaj yuav tsum nquag teev Ntuj ntau dua qub, kom peb paub txog tus txheej txheem teev Ntuj. Qhov zoo tshaj plaws uas koj yuav ua tau, yog hloov kho lub neej kev teev Ntuj ntawm koj. Koj yuav siv sij hawm zoo ib yam li koj tab tom cog kev phooj ywg nrog ib tug neeg twg, tab sis koj tsis tau siv sij hawm rau tus neeg ntawd li. Koj tsis tau pom los yog ntsib dua nws, tsis tau hu xov tooj nrog nws tham dua li. Ces zoo li tus neeg ntawd thiab koj tsis yog phooj ywg tiag tiag puas yog ? Koj tsis tau siv sij hawm nrog tus neeg ntawd nyob ib yam li koj tsis tau nrog Tswv Ntuj nyob.
Lub Caij Plaub Caug, yog lub caij peb yuav siv sij hawm los cog kev phooj ywg nrog Tswv Ntuj, nrog Tswv Ntuj sib fim. Tam sim no koj yuav ua li cas ? Kev teev Ntuj muaj ntau txoj kev thiab nyob ntawm koj tus yam ntxwv, koj txoj kev nyiam.
Kuv thov hais ob peb nqe lus rau koj, xws li kev hais txoj Saw Mab Liab, yog qhov tim ib ntawm kuv. Kev hais Saw Mab Liab thiab nquag teev Ntuj txhua hnub, kuv ntseeg tias koj lub neej yuav hloov mus. Kev teev Ntuj hauv lub Caij Plaub Caug, yuav thov li no : “Yes Xus Tswv Ntuj Leej Tub, tus yeej txoj kev tuag. Thov koj khuv leej, vim kuv yog neeg muaj txhaum.”
Ntawd yog cov lus thov Ntuj uas koj yuav hais ntau lwm nyob hauv 5 fiab los yog 30 fiab. Kev teev Ntuj ntawm Yes Xus, yog txoj kev mus cuag Tswv Ntuj. Koj yuav txais phau ntawv me me hu ua : “Txoj kev ntawm cov neeg tsim koob hmoov.” Yog koj xav nyeem hais txog fab ntsuj plig nyob hauv kev teev Ntuj no , nws yooj yim heev.
Kev tswj tus kheej nyob twj ywm, tej zaum yuav siv sij hawm 2-3 fiab los zaum nyob twj ywm thaum sawv ntxov, thaum tav su los yog thaum tsaus ntuj. Kom tau xav txog cov lus nyob hauv ntawv Moo Zoo hnub ntawd. Tej zaum nws yuav coj koj tus kheej mus ntsib Tswv Ntuj, ces koj yuav hais tias : Tswv Ntuj, kuv nyob ntawm no lawm. Tswv Ntuj, kuv yuav nyiam koj tshaj txhua yam, kuv nyiam Vaj Qhia tus uas qhia kom sawv daws nyiam koj. Koj yuav zaum twj ywm 30 fiab los cav txog Tswv Ntuj, tshwj zias koj tsis khoom tiag tiag. Tsis li ntawd, koj yuav zaum twj ywm ib teev, tswj koj lub siab kom tus xav tswv yim thiab tso koj lub siab rau Tswv Ntuj. Qhov no yog txoj kev teev Ntuj zoo tshaj. Ib qho ntxiv uas nyob nrog Tswv Ntuj, yog hauv lub thaj txi Ntuj. Yog qhov pib thiab nyob siab tshaj hauv lub neej ua neeg ntseeg. Yuav soj ntsuam kom pom meej tias qhov ntawd yog kev ua nyob hauv lub Caij Plaub Caug. Nws yog nyob hauv koj, nyob hauv txhua tus neeg ntseeg, tsis hais koj tab tom ua dab tsi nyob hauv koj txoj kev thov Ntuj, thov koj ua kom lub Caij Plaub Caug muaj nqis. Muab koj lub tswv yim thiab lub siab cev rau Tswv Ntuj tiag tiag.
Yam hauj lwm ua tim 2 nyob hauv lub Caij Plaub Caug hu ua kab ke yoo. Nov yog lub hom phiaj ntawm kev yoo mov. Txhiam laj txhiam xws yog qhov ua kom koj muaj txoj sia. Thaum koj xav txog txhiam xws noj thiab dej haus, yog qhov muaj txoj sia nyob hauv koj lub cev. Yes Xus tau hais nyob hauv nws cov lus qhia nyob saum roob tias : “Tus tshaib nqhis txog txoj kev ncaj, nws yuav nyob kaj siab lug.”
Qhov ntawd yog txhais li cas ?
Lawv tab tom tshaib nqhis txog kev nrog Tswv Ntuj sib raug zoo. Yog tias koj tab tom noj thiab haus vim koj nqhis txhiam xws noj, mas qhov kev tshaib nqhis tob tob nyob hauv koj yeej tsis tshwm sim. Ces peb thiaj yuav tsum yoo mov thiab kav peb tus kheej kom peb txawj nyob tus hauv txoj kev tshaib nqhis txog Tswv Ntuj. Kev yoo mov, tsis yog peb yuav yoo tas txhia yam. Peb tsuas yog yoo qee yam txhiam xws noj nyob hauv lub Caij Plaub Caug xwb.
Kev coj raws txoj cai hauv lub Koom Txoos, lub Koom Txoos kuj tsis ua nruj npaum li qhov peb xav. Kev coj cov kab ke yoo, tsuas yog yoo nyob hauv hnub 6 tsis txhob noj nqaij xwb. Txhob cia tej txhiam laj txhiam xws noj thiab kev plees kev yi los kav peb lub siab ntau dhau. Kuv tau nyeem ntau tus neeg sau nyob hauv Social Media, kuv pom tias yog ib qho zoo heev. Muaj ib kab lus sau tias : kuv yuav yoo thiab tsis nkag mus kov mus saib Social Media nyob hauv lub Caij Plaub Caug. Kuv yuav zaum nyob ntawm hlwb hlau (Computer) kom tsawg me ntsis.
Koj puas paub tias : tej toob xib twj siv uas neeg tsim los rau peb nqa mus los, lawv tsim los kom peb qaug quav xwb. Lawv puas yog tab tom ua Tswv Ntuj cov hauj lwm ? Ntawd yog ib feem hauj lwm ntawm cov neeg tsim tawm uas tab tom ua kom peb qaug quav thiab nws kav peb lub neej ntau dhau. Ces peb yuav tsum coj cov kab ke yoo, xws li yoo mov thiab tso tseg kev saib Social Media kom tsawg. Nyob hauv lub Caij Plaub Caug peb thiaj yuav nquag teev Ntuj, peb coj cov kab ke yoo.
Yam 3 uas peb yuav ua nyob hauv lub Caij Plaub Caug yog sib faib. Yog ib qho tseem ceeb nyob hauv lub Caij Plaub Caug, vim kev sib faib yog kev ua tawm tias peb muaj kev nyiam kev hlub. Kev nyiam kev hlub yog qhov tseeb thiab loj tshaj nyob hauv fab ntsuj plig. Yog kev vam txog qhov zoo ntawm lwm tus neeg thiab kuv kuj nyiam qhov ntawd. Kev nyiam kev hlub yog kev xav zoo ntawm lwm tus neeg thiab koj yuav ua li cas kom nws yog qhov tseeb ? Pab cov neeg txom nyem, cov neeg txom nyem uas kuv hais txog tsis yog cov neeg pluag fab nyiaj txiag. Tab sis yog cov uas lawv xav tau kev pab xws li ; tej neeg txheeb ze peb uas lawv xav tau kev pab, ces koj yuav ua li cas los pab lawv kom yog qhov tseeb ? Yog koj xav pab txhua tus, kuj yog kev sib faib thiab yog kev pab cov neeg pluag. Kuv yuav muab piv li qhov khoom plig los yog qhov paj tshab ntawm peb yog nyiaj. Thaum peb hais txog kev pub, tsis yog kev pub nyiaj. Tab sis yog hais txog peb yuav tau siv nyiaj me ntsis rau peb tej paj tshab ntawd.
Ntawm peb cov neeg ntseeg, thaum peb koom lub thaj txi Ntuj, peb pib ua thaj txi Ntuj thiab teev Ntuj. Nyeem thiab mloog nthuav ntawv Moo Zoo tag, ces peb hais zaj kuv ntseeg thiab xaus lub thaj txi Ntuj rau cov suab paj nruag.
Lub Caij Plaub Caug tsis yog xaus li ntawd xwb, peb yuav muaj tej lub tais los tej lub thawv me me tso rau ntawm ib sab qhov rooj hauv peb tsev. Ua ntej peb yuav tawm mus txhua hnub peb yuav tso nyiaj rau hauv. Peb yuav tsis txiav tias yuav tsum tso npaum cas, thiab ntau los tsawg. Peb yuav tso raws peb lub siab dawb huv nyob hauv lub Caij Plaub Caug xwb.
Cov hauj lwm khuv leej nyob hauv lub Caij Plaub Caug, yog pub mov rau cov neeg tshaib nqhis noj, pub dej rau cov neeg nqhis dej haus thiab pab luag tej.
Saib hauv fab ntsuj plig thiab lub cev, ces koj puas yuav hais tias : nyob hauv 40 hnub no, kuv xaiv ua ib yam dab tsi kom zoo dua. Lub Caij Plaub Caug nws muaj los thiab muaj mus, tab sis kuv tsis tau ua ib yam dab tsi txawv txav nyob hauv kuv lub neej. Txhob cia qhov ntawd tshwm sim nyob hauv koj, koj yuav muab siab rau teev Ntuj thiab sib faib. Koj yuav ua kom tau ib yam nyob hauv 3 yam uas yog lub Caij Plaub Caug, los sis koj xaiv ib yam thiab muab siab rau ua. Qhov ntawd yog nyob ntawm koj tus kheej xaiv ua hauv lub Caij Plaub Caug. Yog kev teev Ntuj los yog kev sib faib.
Thov Tswv Ntuj foom hmoov zoo rau koj !
