Vas Tis Kav cov tub xov xwm hais tias : kev tshaj lub Moo Zoo hauv digital yuav tsum muaj kev saib xyuas thiab raws qab nraim.

Kev sau siab thiaj npaj nyob hauv hnub tim 10 txog 13 lub 9 hlis no. Tau sau tas cov tub tshaj Ntuj Lus Kav Tos Liv digital, cov tub xov xwm, cov tsim cov ntsiab lus thiab cov muaj hwj chim fab kev ntseeg nyob thoob As Xias teb li ntawm 100 tawm leej tuaj sib sau ua ke. Yog lub pwm tsav cov Tswv Qhia As Xias (FABC-OSC) thiab Radio Veritas Asia nrog rau Vas Tis Kas lub pwm tsav ntawv xov xwm Fully Present ua tus npaj lub rooj sau siab. Govekar hais tias : “Lub Koom Txoos yuav xav txog kev txhawj xeeb thiab teeb meem hauv digital nrog rau kev siv ntiag tug, kev quav, kev saib yam ub yam no thiab kev sib cais.” Nws hais txog Vas Tis Kas kev tshaj Ntuj Lus xyoo 2023 hauv zaj Towards Full Presence uas tuav xam txog lub sij hawm thiab kev pheej hmoo hauv kev xa xov digital. Lub Koom Txoos khiav tsis dhau tej kev txhawj xeeb no. Nws hais ntxiv tias kev sib cais ua kev kub ntxhov rau cov Platform Online thiab nws yuav ua kom cov neeg ntseeg sib cais tau ib yam. Nws thov kom muaj tus qauv tshiab, qhia txog kev siv digital uas txhawb nqa kev sib tham tseeb tiag. Thiab qhov kawg tsim kom muaj cov neeg ntseeg thiab kev sib koom tes tiag. Govekar hais txog kev tshaj kev ntseeg nyob digital, yog kev coj cov neeg txawj ntse txheej tshiab hauv cov teb chaws sib txawv los ua ke txhim kho fab kev xa xov ntawm lub Koom Txoos. Tom qab 5 xyoos cov hauj lwm no yuav hloov ua Fully Present Network uas cov qub tim xyoob hauv lub Koom Haum tseem koom tes nrog lub Koom Txoos cov hauj lwm sib xa xov, thiab ua cov qhuab qhia thiab tus sib txuas lus. Txawm li cas kuj xij, hais txog Govekar mas qhov muaj nqis tshaj ntawm cov hauj lwm no, tsis yog kev qhuab qhia fab hauj lwm, tab sis yog kev ua tim xyoob thiab kev txhawb nqa. Nws hais tias : “Tsis yog kev xav cov ntsiab lus los yog kev rov tsim dua program.”

Nws hais tias kev xa xov digital thiab kev txhim kho fab hauj lwm tsim nyog yuav sib txuas hauv kev txhawb nqa thiab kev muaj feem cuam. Thaum uas cov neeg ntseeg nyob thoob As Xias teb siv platform digital heev zuj zus, kom tau nkag mus txog cov tub ntxhais hluas. Govekar hais tias : “Lub hom phiaj tsis phim yuav ua kom muaj neeg saib coob, tab sis yog kev xa xov uas coj neeg mus txog kev sib raug zoo, kev yog ib feem thiab kev ua neeg ntseeg tseeb tiag.”