Vas Tis Kas thov kom cov tub tshaj Ntuj Lus Kav Tos Liv Online nyob As Xias teb, tawm tsam txog kev ntsuas cov neeg raws qab kev tshaj lub Moo Zoo, thiab kom xyuam xim txog kev siv AI lub tswv yim tsim tawm ntau dua.
Kev hais lus nyob hauv lub rooj sau siab cov tub tshaj Ntuj Lus Online nyob As Xias xyoo 2026, nyob Mas Nis Las hnub tim 11 lub 9 hlis no. Govekar hais tias : “Cov neeg ntseeg txhua tus muaj peev xwm cuam tshuam txog lwm tus, uas tsis mloog txog cov neeg mloog tias ; lub hwj chim yog hais txog kev lees paub lees txais.” Nws thov kom kev tshaj lub Moo Zoo nyob Online hla dhau kev ntsia pom ntiag tug mus txog kev sib koom ua ib tug, kev ua hauj lwm ua ke thiab kev ua pov thawj. Nws hais txog Vas Tis Kas tsab ntawv Towards Full Presesnce. Nws hais tias : “Cov neeg ntseeg yuav tsum kawm kom paub thiab tshais ruam mus kev ua pab pawg, tsis yog mus ib leeg.” Govekar hais tias : “Peb tsis tau yaum neeg los txw neeg, tab sis peb tab tom tshaj kom tau kev ua lub neej raws li Tswv Ntuj pub rau peb.” Nws hais tias lub hom phiaj ntawm cov neeg ntseeg kev sib xa xov, yog kev sib faib Tswv Ntuj kev nyiam kev hlub ntau dua kev tsim tej pab neeg mloog. Nws ua kom pom tias Yes Xus kev dai saum Ntoo Cuam yog tus piv txwv zoo tshaj plaws. Hauv qab Ntoo Cuam tsis muaj leej twg zoo li Yes Xus, tsis muaj leej twg raws Yes Xus qab nyob hauv ntiaj teb. Tab sis yog ua tawm txog Tswv Ntuj kev nyiam kev hlub loj tshaj. Govekar tseem txhib kom cov tub tshaj Ntuj Lus Digital xyuam xim txog kev siv AI lub tswv yim tsim tawm. Nws hais tias kev yooj yim hauv cov lus teb thiab cov lus xaus, tsis phim yuav hloov kev muab siab rau hauv kev nkag siab tob thiab kev txhim kho tus kheej.
Tsis muaj ywm xov xwm twg, tsis hais yuav ntxhov npaum twg, tuaj yeem tsim lub siab muab tus kheej los ua hauj lwm tau. Nws hais tias Technology tsis tuaj yeem hloov qhov tsim nyog ntawm cov neeg ntseeg kev xa xov tau. Nws hais txog kev ua hauj lwm ua ke tias yog qhov tseem ceeb hauv cov hauj lwm Digital, nws hais tias : “Kev ua tiav loj tshaj tsis yog ntsuas los ntawm neeg tus duab, tab sis yog los ntawm kev phooj ywg ntau dua.” Govekar ua piv txwv txog kev qhuab qhia ntawm cov teb chaws rau cov tub xov xwm Kav Tos Liv 16 leej. Cov hauj lwm no xyaw nrog kev qhuab qhia nyob Online, kev ua hauj lwm ua pab pawg thiab txhua cov hauj lwm, cov Koom Haum Kav Tos Liv. Yog hais txog kev sib raug zoo thiab kev kawm kom paub ua ke ntau dua kev ua tiav ntiag tug. Nws hais tias : “Qhov tau los uas tseem ceeb tshaj ntawm cov hauj lwm no, tsis yog yam khoom tsim tawm kawg. Tab sis yog kev sib raug zoo ua pab pawg thiab kev ua hauj lwm ua ke.”
Nws txhawb kom muaj kev pib cov hauj lwm zoo ib yam nyob thoob As Xias teb, uas yog kev tshaj lub Moo Zoo nyob digital ntawd yog los ntawm kev sib koom ua ib tug, kev lees paub ua ke thiab kev qhuab qhia ntau dua kev ua tau zoo ntiag tug.
