Vaj Qhia Leo hais tias : cov kab ke yuav tsum yug kev ntseeg, kev ua kwv ua tij thiab kev thaj yeeb.
Vaj Qhia hais tias : “Kev pib ua lub neej neeg ntseeg tsis phim yuav xav tias; yog kev npaj rau cov Cim Ntshiab, tab sis yog cov hauj lwm uas zej zog yug kev ntseeg thiab nrog Yes Xus sib koom ua ib tug.”
Kev sib sau siab yog npaj nyob hauv hnub tim 24 txog 27 lub 8 hli, hauv lub ntsiab lus ‘lub Koom Txoos sib txhawb nqa. Cov kab ke thiab kev pib lub neej neeg ntseeg.” Tsab ntawv no yog Tswv Qhia Parolin Vas Tis Kas tus lwm thawj tswj ua tus sau yuas tias : lub ntsiab lus no muaj qhov tseem ceeb tshwj xeeb rau lub Koom Txoos zim txwv no. Vaj Qhia Leo 14 nco txog tus piv txwv ntawm thawj pab neeg ntseeg. Cov uas muab lawv tus kheej los qhia kev ntseeg ntawm cov thwj tim, ntawm kev ua kwv ua tij, kev lov ncuav mov thiab kev teev Ntuj.
Vaj Qhia txhawb nqa kom cov neeg ntseeg txhawb kev muaj vaj huam sib luag hauv kev qhia kev ntseeg thiab kev ua cov kab ke. Nws hais tias : “Hauv cov kab ke qhov tob ntawm Yes Xus los nyob hauv peb, hloov pauv peb thiab ua kom peb rov yug dua tshiab yog qhov muaj txoj sia tshiab. Uas yog los ntawm lub Rooj Ncauj Lus Vas Tis Kas Ob txoj cai Sacrosanctum Concilium. Vaj Qhia hais txog qhov tseem ceeb ntawm cov neeg ntseeg kev muaj feem cuam hauv cov kab ke.
Nws txhawb nqa kom cov Txiv Plig thiab cov xib hwb pab ib tsoom neeg. Tshwj xeeb tshaj yog cov uas pib taug kev ntseeg. Kom nkag siab txob lub ntsiab, cov Cim thiab ntawv Moo Zoo hauv cov kab ke. Vaj Qhia hais tias lub thaj txi Ntuj tsim kev sib koom siab, vim yog kev tas txhua yam hauv lub Koom Txoos kev tsuj xeeb. Nws txhib kom cov neeg ntseeg nkag txog cov kab ke hauv kev hwm thiab kev ncaj ncees. Ua ke ntawd kuj pab kom cov neeg ntseeg paub txog kev nplua nuj hauv fab ntsuj plig ntawm cov kab ke ntawd. Vaj Qhia piav tias lub thaj txi Ntuj yog qhov chaw tshwj xeeb hauv kev mloog Tswv Ntuj lo Lus, thiab thov kom cov thawj coj txhawb nqa kev tos txais, kev qhia lub ntsiab thiab kev ua pov thawj ntawm cov neeg ntseeg. Nws hais tias : “Tsuas muaj tib txoj kev no xwb uas txoj kev ntseeg txhawv ntawm lub thaj txi Ntuj los thiaj yuav mus txog ib tsoom neeg. Qhov tau los ntawd yog kev zoo, kev sib haum xeeb thiab kev thaj yeeb.”
