Txoj kev tshuav ntev uas cov neeg ntseeg yuav tau nyob thaj yeeb hauv Pas Kis Taas teb
Xyoo no yuav rov muaj kev xaiv tsa nyob Pas Kis Taas teb. Tus neeg sau npe xaiv tsa ntawm cov neeg ntseeg cia siab txog nws lo lus cev rau pab nom lub neej tshiab zoo dua thiab muaj kev nyab xeeb nyob hauv lub xeev Pluralistic.
Nws txoj kev cia siab qee feem yog nyob hauv lub tsev teev Ntuj Leej Ntshiab Zam uas nyuam qhuav txhim kho tau tshiab. Yog ib lub nyob hauv 26 lub tsev teev Ntuj uas raug cov Mawv Xis Lim tua piam sij tas nyob hauv lub 8 hli tsaib no, hauv lub nroog Jaranwala, lub xeev Punjab.
Kuj muaj tsoom pej xeem tej vaj tsev raug tua piam tas li ntawm 80 lub thiab.
Nws qee lo los thov kuj muaj tso tawm nyob Online, muaj tej daim ntawv sau lo rau ntawm tus ntoo cuam hais txog kev nyob nyab xeeb ntawm cov ntxhais ntseeg uas raug ntes, raug quab yuam yuav cov txiv neej Mawv Xis Lim thiab kom hloov mus teev hawm Islam. Thiab hais txog qhov yuav rov txhim kho kom cov neeg ntseeg rov qab vam meej xws li yav tag.
Tswv Qhia Yos Xes Arshad ntawm Islamabad-Rawalpindi hais tias tsim nyog yuav nco txog kev ntshaw ntawm cov haiv neeg tsawg hauv kev teev hawm xaiv tsa. Cov pab nom tsim nyog yuav cia cov sau npe xaiv tsa uas yog cov haiv neeg tsawg los tuav tej txoj hauj lwm tseem ceeb nyob hauv tseem hwv.
