Txhob cia peb ntshai AI lub tswv yim tsim tawm. Tus lwm thawj tswj cov Tswv Qhia As Xias (FABC), hais nyob hauv qhov xaus lub rooj sab laj loj zaum tim 12 nyob Jakarta.
tias : “AI lub tswv yim tsim tawm tsim nyog yuav raug lees txais ua ib yam twj pab
tshaj lub Moo Zoo, ntau dua qhov peb yuav ntshai tias yog kev phom sij.”
Hauv cov lus teb cov tub xov xwm, Tswv Qhia David hais tias : “AI muaj zog heev
thiab zoo heev rau kev sib xa xov thiab kev tshaj lub Moo Zoo ua ntau xeem lus nyob
As Xias. Nws hais txog yam nws tau ntsib hais txog siv AI los txhais.
Nws hais tias qhov Technology no tuaj yeem pab kom nkag mus txog lub Koom Txoos
tej ntaub ntawv tau yooj yim, tab sis tseem xav tau kev qhuab qhia los ntawm neeg.
Vim kev siv tshuab txhais lus ntawd, kheev kheev tsis muaj tej yam hais txog kab lis
kev cai. “Tsim nyog koj yuav ua rau AI xws li tus tub kawm uas tshaj lij.”
Nws hais tias : “Yam uas koj muab siab rau ua yuav pab kom nws zoo tuaj.”
Muab piv zoo li AI thiab lub tshuab xam phaj Electronic, nws hais tias Technology
tsim nyog yuav txhim kho, tsis txhob muab los hloov pauv neeg lub tswv yim.
Tswv Qhia hais tias : “Peb tsis txhob ntshai raug kev phom sij los ntawm AI, tab sis peb
yuav tsum siv nws kom ntse tuaj.” Nws tseem hais kom tib neeg muaj kev cia siab tias
AI muaj txiaj ntsim qab hauv rau sawv daws. Nws thov kom lub Koom Txoos muaj feem
cuam nrog cov Technology uas tab tom tshwm sim tshiab hauv lub tswv yim thiab kev
xyuam xim kom tau txhawb nqa yus txoj hauj lwm.
