Txij xyoo 1977 txog xyoo 2021.
Tus tiam lis txuag kev thaj yeeb.
Luca Attanasio yug nyob hauv lub nroog Saronno. Nws kawm tiav txheej siab fab kev lag luam hauv lub tsev kawm txheej siab Bocconi nyob Milan. Tab sis tsis ntev pes tsawg, nws txiav txim siab muab tus kheej mus ua hauj lwm kom tau pab lwm tus.
Nws xav tias kev ua tiam lis yuav mus txog qhov tiav ntawm kev thaj yeeb nyob ntiaj teb tau. Li ntawd, nws thiaj pib txoj hauj lwm ua tiam lis nyob hauv xyoo 2003. Nws pib ua tus thawj tswj fab kev lag luam hauv lub Koom Haum txhawb nqa kev lag luam. Thiab ua tus lwm thawj tswj ntawm cov hauj lwm tseem hwv Africa. Dhau ntawd, nws tau ua tus lwm pwm tsav txawv teb chaws. Nws saib xyuas Africa teb cov hauj lwm thiab kev sib koom tes ntawm cov teb chaws.
Lub qab xyoo 2006, nws raug xa mus ua hauj lwm thawj zaug nyob txawv teb chaws, hauv tus tiam lis nyob Berna lub tsev. Nws cov hauj lwm yog hais txog lub Koom Haum lag luam uas hloov lub tswv yim ntawm kev ua tiam lis. Nws saib xyuas cov xwm txheej ntawm lub Koom Haum sab nraud tas mus li, thiab nws txuas nrog lub ntiaj teb hauv qhov tseeb txhua hnub.
Txij xyoo 2010 txog 2013, nws ua hauj lwm nyob Casablanca hauv teb chaws Morocco. Nws tau tawm tsam txog kev tawm Visa. Nws muab cov hauj lwm rau lwm pab neeg sab nraud ua, vim pab txuag nyiaj, txuag zog thiab rhuav tshem kev nyiag noj nyiaj. Nws tau hloov tus tiam lis lub tsev ua cov neeg Is Tas Lias lub tsev, uas qhib rau txhua tus neeg nkag mus yooj yim, tsis tas yuav teem caij. Tsuav yog cev daim ntawv taub hau neeg xwb, ces nkag mus tau lawm.
Xyoo 2017 thaum nws muaj 40 xyoo, nws tau ua tus thawj coj pab neeg sawv cev nyob hauv lub tuam ceeb Kinshasa nyob Koos Nkos teb. Dhau ntawm nws txoj kev ua tiam lis lawm, nws thiab Zakia Seddiki uas yog nws poj niam, tseem muaj feem cuam hauv fab tib neeg kev ncaj ncees, kom tau pab cov pej xeem Africa. Nkawd tau tsim lub Koom Haum pab neeg hu ua Mama Sofia, uas yog pab cov me nyuam tsis muaj vaj tse nyob hauv lub tsev txhim kho cov me nyuam Africa los yog RDC. Thiab pab kev lag luam rau cov niam tsev uas tsis muaj peev nyiaj txiag nyob Africa.
Salvatore Attanasio tus tiam lis txiv hais nyob hauv lub rooj sab laj hauv lub nroog Limbiate, lub 5 hlis xyoo 2022 tias :
“Nyob hauv 10 xyoo dhau los no, nyob Africa teb Luca tau soj ntsuam lub teb chaws thiab nkag siab txog tsoom pej xeem tej kev xav tau.”
Hauv lub 10 hli xyoo 2020, Luca Attanasio tau txais qhov paj tshab Nassiriya ntawm txhua lub teb chaws hais txog kev thaj yeeb. Vim nws txoj kev muab siab rau txuag kev thaj yeeb ntawm cov teb chaws. Nws poj niam uas yog Zakia kuj tau txais qhov paj tshab ntawd ib yam. Yog los ntawm qhov nws muaj feem cuam txhawb nqa tib neeg kev ncaj ncees uas yog qhov tseem ceeb hauv kev thim xav, kev muab tus kheej ua hauj lwm, kev nqis dag zog thiab fab ntsuj plig hauv kev pab lwm tus neeg uas tau txais kev kub ntxhov. Nws cov lus hais hauv cov kab ke no, ua kom pom txog kev ua neeg me thiab kev nqis dag zog uas yog lub Cim meej tseeb ntawm nws txoj hauj lwm.
“Thaum kuv hais tias peb tsev neeg yog nyob Koos Nkos, mas sawv daws poob siab.” Tab txawm yog tej phooj ywg koom haiv neeg coob leej kuj hais tias : “Ua cas ? Nws txaus ntshai heev.” Peb yuav pib ntawm qhov tias kev ua tiam lis kuj yog zoo li txoj hauj lwm. Hauv kuv txoj kev xav, thaum koj tau ua tus sawv cev ntawm txhua txoj hauj lwm. Koj lub luag hauj lwm mas kev ncaj ncees yog qhov tseem ceeb. Tsim nyog yuav nqis tes ua kom lwm tus tau lub neej zoo dua qub. Peb muab siab rau ua xws li lub ntiaj teb tshiab hauv tej qhov me me ntawm peb. Luca yog tus piv txwv zoo ntawm ib tug tub hluas Is Tas Lias uas muaj lub siab kub lug. Nws loj hlob zoo ib yam li lwm tus tub hluas. Nws khi nrog tsev neeg thiab tej phooj ywg. Muaj ntau yam nws nyiam nrog rau kev ncaws pob. Luca yog tus tiam lis uas sawv cev Is Tas Lias teb thiab lwm cov tiam lis uas ua tau zoo kawg nyob hauv nws txoj kev ua hauj lwm niaj hnub.
Nws yog tus neeg muaj kev npau suav uas saib lub ntiaj teb zoo li lub vaj zoo nkauj. Nws muab siab rau yuav ua kom lub hom phiaj tiav. Nws rau siab ua hauj lwm tiag tiag. Tab txawm nws lub ntsej muag yuav saib txawv deb heev ntawm ntxhais qaum ntuj, tsis kav nws kheev kheev npau taws yog tias nws cov hauj lwm tsis tiav thiab ncaj ncees. Tab sis nws yog tus neeg uas muaj peev xwm tsim kev nyob ntsiag to kom tau ua hauj lwm ua npoj tau zoo kawg.
Nws yog tus neeg nyiam xav thiab lom zem xws li lwm tus me nyuam. Nws coj kev sov siab mus txhua qhov chaw. Nws ntaus phooj ywg thiab piav tej yam lom zem rau lawv mloog tas mus li. Hais tiag tias nws lub suab luag ntxhi tsis ploj ntawm nws lub ntsej muag kiag li. Nws muaj lub siab mos siab muag tiag tiag thiab nthuav tawm.
Zakia Seddiki hais tias muaj ib zaug nyob hauv lub khw, thaum sawv daws sawv ua kab sab nyob ntawm lub rooj them nyiaj. Muaj ib tug poj niam coj ib tug me nyuam ntxhais 6 xyoo lawv Luca thiab kuv qab. Tam sim ntawd, tus me nyuam ntxhais me me los sawv nyob ntawm kuv tus txiv hauv ntej, thiab nws niam hais tias :
“Cia cov txiv neej xub hla mus”. Tus me nyuam ntxhais me me ntawd teb tias :
“Niam ! Nws tsis yog txiv neej, nws yog me nyuam tub !”
Luca nyiam kos ntau hom duab, tab sis qhov nws tso tseg tsis kos duab, yog vim tsis muaj sij hawm. Nws tig mus nyiam Africa cov duab kos, ua rau nws xav ua tej phau duab khaws cia. Txoj kev npau suav no yog qhov tseem ceeb ntawm kuv thiab cov neeg uas nyiam nws.
Lub 10 hli xyoo 2020, Luca tau txais qhov paj tshab Nassiriya ntawm kev thaj yeeb. Kev qhuas no yog los ntawm nws txoj kev muab siab rau uas xav ua kom tsoom pej xeem muaj kev thaj yeeb. Thiab kev muaj feem cuam no ua kom nws ua cov hauj lwm fab tib neeg kev ncaj ncees tiav. Yog qhov pom tias nws muab tus kheej los ua hauj lwm, siv zog thiab fab ntsuj plig hauv kev pab cov neeg tau txais kev kub ntxhov. Nws tau hais ib co lus luv luv uas tsis tau npaj los dua. Yog cov lus kawg uas nws hais nyob ntawm sawv daws xub ntiag, hais txog nws cov hauj lwm nyob hauv daim av ntawd. Koos Nkos uas nyob Africa teb, tab tom xav tau kev thaj yeeb. Cov lus ntawd tseem nyob txog zim txwv no, yog kev ncaj ncees uas sau tseg. Qhia kom pom txog qhov tseeb ntawm nws tus ntsuj plig twj lij. Qhia tau meej tseeb dua lwm yam tias; Luca uas yog tus tiam lis ntawd nws yog leej twg tiag.
Hnub tim 22 lub 2 hlis xyoo 2021, Luca tau tag sim neej nyob hauv kev raug tua. Yog thaum nws caij cov tsheb thauj txhiam xws noj nrog pab neeg sawv cev hauv lub Leej Haum Kuj, kom tau txuag pov hwm lub teb chaws Koos Nkos. Tuag nyob hauv qhov tsis meej tseeb. Tus tub ceev xwm Vittorio Iacavacci, thiab tus neeg tsav tsheb Mustapha Milambo kuj tuag nrog
