Tus thawj tswj RVA hais tias kev ua pov thawj tseeb tiag, tsis yog cov ntsiab lus. Nws hais cov lus no ua ntej lub rooj sab laj cov tub tshaj Ntuj Lus Online nyob As Xias thawj zaug.
Txiv Plig John Mi Shen tus lwm thawj tswj kev sib xa xov hauv zej zog ntawm FABC thiab tus thawj tswj ntawm Radio Veritas Asia hais cov lus no. Ua ntej yuav muaj lub rooj sau siab cov tub tshaj Ntuj Lus Online nyob As Xias thawj zaug xyoo 2026. Txiv Plig Mi Shen hais tias : “Kev tshaj lub Moo Zoo nyob Online zoo kawg, phim yuav pib nyob hauv kev mloog thiab kev txhawb nqa ntau dua kev txiav txim siab tias yuav tso cov lus dab tsi tawm nyob hauv Online.
Ua ntej yuav nug, phim peb yuav tshaj dab tsi ? Phim peb yuav nug tias : ‘ib tsoom neeg tab tom ua dab tsi ? Lawv tab tom nrhiav dab tsi ?’
Kev sau siab zaum no muaj lub ntsiab lus tias : “Ntawm cov muaj hwj chim mus txog kev ua pov thawj. Txoj kev ntawm Synodal cov hauj lwm Online nyob As Xias.” Uas npaj nyob hauv hnub tim 10-13 lub 9 hli tag los, hauv Radio Veritas Asia nyob Fis Lis Pees teb. Yog sau tas cov tub xov xwsm thiab cov muaj hwj chim fab digital nyob thoob As Xias teb tuaj sib sau ua ke.
Txiv Plig John Mi Shen tau hais txog 3 yam tseem ceeb ntawm cov hauj lwm nyob Online, xws li kev mloog, kev koom mus ua ke thiab kev ua pov thawj uas TV thiab podcasts, kev xav hauv ntawv Moo Zoo thiab kev tso tawm Social Media tuaj yeem ua kom sib tham tau. Nws hais tias lub hom phiaj phim tsim kev sib raug zoog ntau dua kev ntxiv cov ntsiab lus los yog kev muaj feem cuam. Cov hauj lwm Online tsis yog yam yuav los hloov cov hauj lwm qhia kev ntseeg qub qub, tab sis yog qhov txhawb nqa thiab yog tus choj tuam. Dhau no lawm nws tseem hais txog kev cheem tsum hauv kev xav txog tej kab lis kev cai hauv ntau xeem lus thiab txhua haiv neeg nyob As Xias. Nws hais tias : “Kev txhais lus ntawd tseem ceeb, tab sis kev yuav ua kom haum tej kab lis kev cai ntawd, nws yog qhov tob dua kev txhais. Kev sib koom ua ib tug tsis yog hais tias zoo ib yam tas nrho. Tab sis yog hais txog kev mloog thiab kawm kom paub ntawm cov haiv neeg sib txawv. Thaum hais txog lub ntsiab ntawm kev sau siab, mas Txiv Plig John Mi Shen thov kom cov neeg ua hauj lwm fab kev xa xov Kav Tos Liv rov xav txog lub ntsiab lus ntawm lo lus tias ‘hwj chim’. Raws li ib txwm los cov muaj hwj chim fab kev xa xov kheev kheev nug tias : “Muaj neeg raws kuv qab pes tsawg leej ?” Tab sis cov ua pov thawj yuav nug tias : “Kuv tab tom ua hauj lwm rau leej twg, thiab kuv tab tom ua pov thawj txog dab tsi ?” Nws rov hais cov lus txaus ntseeg nyob hauv lub ntuj digital tias ; ntawd yog nyob ntawm tus nyob tom qab cov lus tshaj tawm mus. Nws hais tias : “Tsis phim peb yuav muab siab rau uas yog nrhiav suab npe rau Yes Xus, tab sis phim peb yuav muab siab rau ua kom ib tsoom neeg paub Yes Xus los ntawm peb lub neej.”
Txiv Plig John Mi Shen hais tias : “FABC-OSC thiab RVA yuav pab txuas txhua lub tsev teev Ntuj nyob As Xias los ua ke, thiab muab zej zog lub suab mus nthuav rau ib tsoom neeg kom dav tuaj.” Txhua qhov platform tej zaum yuav tshwm sim thiab ploj mus raws lub caij nyoog. Tab sis cov hauj lwm tseem nyob li qub, qhov ntawd yog kev coj ib tsoom neeg los nyob ze Yes Xus thiab tsim kev sib koom ua ib tug. Kev sau siab cov tub tshaj Ntuj Lus Online nyob As Xias teb thawj zaug hauv xyoo 2026, yuav soj ntsuam seb qhov chaw hauv digital puas yuav rais ua qhov chaw mus ua ke, sib tham thiab tshaj lub Moo Zoo. Uas yog hloov ntawm kev nrhiav cov raws qab los tsim kev sib raug zoo thiab ntawm cov ntsiab lus mus txog kev ua pov thawj tseeb tiag.
