Tus saib RVA cov hauj lwm hais tias : “Kav Tos Liv cov hauj lwm hauv Online yuav tsim kom muaj neeg, tsis yog cov neeg saib xwb.”

Hauv kev hais lus ua ntej lub rooj sau siab cov tub tshaj Ntuj Lus Kav Tos Liv Online 2026, mas Txiv Plig Felmar hais tias : “Kev tshaj lub Moo Zoo hauv lub ntuj digital, phim yuav xav tias cov neeg saib tsis yog cov saib thiab cov raws qab xwb, tab tsis yog cov muaj tus neeg tiag tiag uas lawv tej kev paub thiab kev xav yuav pab ntxiv kev sib tham hauv kev ntseeg kom zoo tuaj tau.” Nws hais tias : “Cov neeg saib koj yog tus neeg tiag uas muaj kev paub ntau yam thiab muaj lub zeem muag muaj nqis kawg.” Thiab nws hais txog qhov tseem ceeb ntawm kev tsim chaw rau tib neeg sib tham, teeb tej lus nug, sib faib cov zaj thiab teev Ntuj ua ke tau.” Kev ua yooj yooj yim, xws li kev teb tej kev xav, kev tos txais cov neeg saib tshiab thiab kev sib teb lus tuaj yeem pab tsim ib feem kev xav ntawm zej zog tau. Nws hais tias : “Hais txog ntawm kuv, mas kev tshaj lub Moo Zoo nyob hauv Online, yog coj Yes Xus mus rau kev sib tham hauv niaj hnub, kev txom nyem, kev sov siab thiab tej lus ua xyem xyav ntawm ib tsoom neeg.” Dhau no lawm Txiv Plig Felmar tseem hais txog cov ntsiab lus zoo nyob hauv digital, phim yuav siv xeem lus thiab ua kom pom txog cov neeg saib tej kev paub. Qhov no ua kom pom txog lub hom phiaj ntawm kev sau siab uas xav hloov cov muaj hwj chim mus rau kev ua pov thawj ntawm tus tshaj lub Moo Zoo. Yuav ntsuas tias kev ua tiav tsis yog nyob ntawm cov neeg raws qab coob, kev nias tes los yog qhov Video neeg nyiam heev xwb, tab sis ntsuas los ntawm qhov tias; kev tshaj tawm ntawd puas pab kom tib neeg tau ntsib Yes Xus ?

Nws hais tias : “Peb tsis yog raug hu kom los tsim lub hwj chim rau ib tsoom neeg, tab sis peb raug hu los kom tau ua pov thawj txog yam uas peb pom, peb kov tau thiab peb ntseeg.” Kev sau siab ntawm cov tub tshaj Ntuj Lus Online 2026, uas npaj nyob hauv lub ntsiab lus ‘ntawm cov muaj hwj chim mus txog kev ua tus tshaj lub Moo Zoo pov thawj, kev muaj feem cuam nrog Synodal hauv cov hauj lwm digital nyob As Xias.’ Uas npaj nyob hauv hnub tim 10-13 lub 9 hlis, hauv Radio Veritas Asia nyob Fis Lis Pees teb. Kev sau siab 4 hnub ntawm lub pwm tsav cov Tswv Qhia As Xias koom nrog RVA, uas lub hom phiaj yog sau tas cov tub xov xwm thiab cov muaj hwj chim fab tswv yim neeg Kav Tos Liv Online nyob thoob As Xias tuaj sib ntsib, kom tau tsim kev sib koom tes thiab txhawb nqa kev ua hauj lwm nrog Synodal cov hauj lwm Online kom ntau tuaj. Txiv Plig Felmar hais tias : “Nws vam tias RVA yuav yog lub sam thiaj ruaj khov rau kev sib koom ua ib tug nrog lwm cov tsev teev Ntuj nyob As Xias, hauv kev sib faib tej ntsiab lus, kev qhuab qhia Technology thiab lwm cov zaj.” As Xias muaj ntau yam uas yuav tshaj tawm nyob hauv xeev ntuj thiab tawm mus rau lub ntuj sab nraud. Nws hais tias : “RVA yuav pab kom peb txawj sib mloog thiab txawj sib qhia cov zaj hais txog Yes Xus.”