Tus lwm thawj tswm cov Tswv Qhia As Xias hais lus tom qab lub rooj sab laj tias : ‘kev sab laj ntawm lub pwm tsav (Synod) yuav coj mus txog cov hauj lwm.”

Hauv kev sib tham kaw lub rooj sab laj hnub tim 26 lub 7 hli no, Tswv Qhia David hais
tias : “Lub rooj sab laj zaum no tsim nyog ua lub zog txhawb siab rau cov tsev teev Ntuj
hauv cov zej zog nyob As Xias, kom ‘ua tus choj thiab ua tus tuam choj’ hauv kev sib
tham, kev sib haum xeeb thiab kev ua kwv ua tij.”
Kev sab laj Synodal tsis yog hais txog txoj cai xwb, tab sis nws yog fab ntsuj plig. Yog
kev ua lub neej thiab kev ua lub Koom Txoos. Nws hais tias kev sab laj Synodal yog
ntau dua kev ua hauj lwm, vim nws yog kev ua lub neej txhawb nqa kev sib raug zoo,
kev tshaj lub Moo Zoo thiab lub Koom Txoos cov hauj lwm. Nws hais tias kev txhawb
nqa no tsis tuaj yeem khaws cia nyob sab hauv, nws yuav tsum coj mus txog cov hauj

lwm. Tswv Qhia Davis hais txog cov sawv cev kev mus tsham lub tsev teev Ntuj
Istiqlal nyob Jakarta tias : “Yog tus piv txwv muaj zog ntawm txoj hauj lwm ntawd.
Ua kom pom tias cov neeg coj kev ntseeg sib txawv, tuaj yeem mus ua ke tau nyob
hauv kev sib hwm thiab kev phooj kev ywg.”
Thaum xav txog kev sib ntsib nrog Grand Imam ntawm lub tsev teev Ntuj Istiqlal,
nws hais tias yog ua kom cov neeg ntseeg thiab cov Mawv Xis Lim ua kwv ua tij thiab
sib koom ua neeg ua ke. Nws hais tias : “Lub Koom Txoos cov hauj lwm tsis yog tias
txhawb nqa peb txoj kev ntseeg xwb. Yog thaum peb ua ke txhawb nqa kev ua neeg
thiab peb lub meej mom, mas ntawd yog qhov uas peb sib tham tseeb tiag.”
Nws hais lus xaus thiab thov kom cov Tswv Qhia rov mus rau lawv cov Cheeb Koom
Txoos, hloov Synodal tej kev xav los ua kev ua hauj lwm tiag tiag. Kom kev pauv
ntxeev ntawm Synodal rais ua lub neej hauv kev tshaj lub Moo Zoo uas tuam choj
txuas nrog lub Koom Txoos thiab tej kab lis kev cai, tej kev teev hawm ntau yam nyob
As Xias.