Tus lwm thawj tswj FABC hais txog yav tom ntej hauv lub rooj sab laj tias : “Peb yuav tshais ruam ntxiv mus li cas ?”
Devadass tau teeb ib lo lus nug txog yav tom ntej ntawm lub rooj sab laj tias :
“Peb yuav tshais ruam ntxiv mus li cas ?” Lub rooj sab laj tau tshais ruam ntawm lub
zog txhawb siab mus rau kev tuav xam thiab yav tom ntej, uas hais txog qhov muaj
qab muaj quag hauv kev pauv ntxeev lub pwm tsav As Xias.
Nws hais tias : “Peb txoj kev cia siab yog txhua tus uas tuaj koom lub rooj sab laj, yuav
tawm ntawm Jakarta mus hauv lub siab puv npo uas txhawb nqa Synod txoj cai.”
Nws hais tias kev txhawb nqa tseeb tiag, yog pib ntawm kev hloov tus kheej thiab kev
muab siab rau ntau dua tej yam tshiab. Kev hloov siab, yog tus cag ntawm lub Koom
Txoos raws Synodal txoj cai tshaj lub Moo Zoo. Txiv Plig Devadass lees txog txhua
yam kev txhawj xeeb, xws li cov Txiv Plig lub hwj chim, kev sib cais, kev tsiv teb tsaws
chaw, kev piam sij ntawm yam muaj txoj sia thiab kev hloov ntxeev ntawm Technology.
Tab sis nws hais tias txhua yam no kuj yog lub sij hawm rau kev ua pov thawj hauv kev
sib tham, kev muaj feem cuam thiab kev ua tub txib. Hais txog yav tom ntej, mas Txiv
Plig hais tias FABC lub pwm tsav los yog Synodal tab tom npaj tej ntaub ntawv kom
tau pab cov tsev teev Ntuj hauv zej zog muab Synodal txoj cai coj mus siv. Nws vam
tias kev sib tham uas pib nyob hauv lub rooj sab laj zaum no yuav ua mus thoob As
Xias teb, kom tau txhawb nqa kev sib koom siab thiab ua hauj lwm ua ke.
