Tswv Qhia Martinelli uas yog tus Tswv Qhia nyob As Las Npias Xaus Dis tau hais tawm nyob hauv ntawv xov xwm Vas Tis Kas hais txog kev kub ntxhov uas heev zuj zus nyob As Xias nrab. Nws hais txog qhov tseem ceeb ntawm cov kev teev hawm nyob ua ke hauv kev ywj ph eej thiab hais txog Synod zaum no tias : yog tus piv txwv ntawm cov kev teev hawm sib txawv nyob ua ke tau hauv kev sib tham thiab kev sib mloog.
Tswv Qhia Martinelli hais meej meej txog kev muab siab rau daws kho kev phem kev sib pauj, kom rov los muaj cov tiam lis sib tham. Nws hais tias : “Tsim nyog peb yuav nrhiav txoj kev sib haum xeeb thiab nyob ywj pheej rau sawv daws.”
“Peb thov Ntuj pab kom tsov rog tiaj tus sai sai, thiab peb rov tsim dua tshiab tau. Kom peb tuaj yeem nyob tau hauv kev ua zoo, kev sib faib thiab txog qhov kawg tuav tes mus ua ke.” Nws hais tias : cov neeg ntseeg tuaj yeem txhawb nqa kev sib tham thiab tsim kev ywj pheej kom lub ntiaj teb zoo tuaj. Txhob pub kom tus kheej poob ua lwm tus neeg tes taw. Nws ua piv txwv txog cov teb chaws nyob Arab Amirate thiab Oman, uas muaj ntau hom tsev teev Ntuj nyob sib xyaws. Ua kom pom tias kev nyob ua ke sib haum xeeb thiab ywj pheej yog qhov neeg ua tau. Yog qhov tseeb ntawm kev sib faib kab lis kev cai thiab fab ntsuj plig uas muaj txiaj ntsim qab hauv rau sawv daws.
