Qhov av saus nyob ze lub tsev teev Ntuj qub qub nyob Bangkok, kuj tsis tuaj yeem yuav tav tau kev tsuj xeeb Niam Mab Liab

Qhov av saus nyob ze lub tsev teev Ntuj qub qub nyob Bangkok, kuj tsis tuaj yeem yuav tav tau kev tsuj xeeb Niam Mab Liab. (Sinkhole near Bangkok’s oldest Catholic Church fails to halt Marian feast)

Hnub tim 24 lub 9 hlis no, muaj ib lub qhov av saus loj kawg nyob ze lub tsev teev Ntuj hwm Niam Mab Liab tus tsis lo txhaum, uas yog lub tsev teev Ntuj qub qub nyob Bangkok. Lub qhov av saus ob peb teev ua ntej hauv hnub ua hmoov tsuj xeeb nruab xyoos, ntawm Niam Mab Liab kev khuv leej thiab kev daws txim txhaum.

Av saus zaum no muaj ceem kawg, nws ua rau kev tsheb piam sij thiab txhawj xeeb txog kev nyab xeeb ntawm tej kev tsheb thiab tej yam txhim tsa. Txawm li ntawd, tsis kav cov neeg ntseeg tsis thim tsis thaub qab. Lawv kuj tuaj sib sau ua hmoov tsuj xeeb thaum yav tsaus ntuj coob kawg. Lub qhov av saus yog thaum sawv ntxov nyob hauv lub nroog Samsen. Ua rau muaj ib lub qhov av loj dav li 30 mev xwm fab xwm meem, thiab tob tshaj 20 mev. Dhau ntawd yawg Chadchart Sittipunt uas yog tus thawj tswj lub xeev Bangkok hais meej tias : qhov teeb meem uas tshwm sim yog los ntawm cov hauj lwm ua kev tsheb nqaj hlau hauv qab npoo av. Ces cov av thiaj saus xaub mus rau qhov chaw uas yog cov tsheb hluav taws xob thauj neeg hauv qab npoo av nyob (MRT), vim yog qhov chaw tshiab rau cov tsheb nres. Tom qab ntawd kuj muaj tej kab pleb tawg nyob ntawm npoo av uas qis dua kev tsheb thiab.