Pej Ceeb tab tom rhuav tshem kev thaj yeeb hauv kev teev hawm nyob Hooj Koos
Pab nom koom tshaj (CCP) tab tom txwv thiab kav cov kev teev hawm thiab kev ua hauj lwm ntawm txhua txhua txoj kev teev hawm nyob Hooj Koos.
Raws kev tshaj tawm uas hu ua Hostile Takeover CCP thiab cov neeg teev hawm nyob Hooj Koos, tau hais txog kev sib tawg hauv kev thaj yeeb ntawm cov kev teev hawm nyob Hooj Koos, tshaj tawm nyob Washington DC hnub tim 30 lub 1 hlis no.
Kev tshaj tawm hais tias : Pej Ceeb tab tom nkag mus txwv thiab kav cov kev teev hawm nyob hauv lub pov txwv Hooj Koos heev zuj zus, nrog rau cov tsev teev Ntuj Kav Tos Liv tib si.
Cov kws qhia tau hais meej meej txog kev thaub qab ntawm kev thaj yeeb nyob hauv cov kev teev hawm tias : cov nom tswv koom tshaj CCP pib quab yuam cov neeg ntseeg hauv txhua txoj kev teev hawm thiab cov kev teev hawm nyob Hooj Koos. Cov xwm no yog ib qho ua kom paub txog cov teeb meem yuav tshwm sim yav tom ntej. “Kev ua rau cov kev teev hawm piam sij” ntawm Pej Ceeb. Siv kev kawm hauv kev cai dab qhuas los txw neeg. Kev hem cov Txig Plig thiab cov thawj coj hauv kev teev hawm, kev ua kom tus kheej ntsia pom tseeb thiab kev iab hiam txhua txoj kev teev hawm nrog rau cov neeg coj kev teem hawm. Txhua yam no yog qhov Pej Ceeb tab tom ua nyob Hooj Koos.
