Hooj Koos muaj ib lub tsev kawm ntawv txheej siab Kav Tov Liv ua lawv ntiag tug, yog lub tsev kawm ntawv Leej Ntshiab Fas Ntshis Kus
Tus txhais: Lis Maib.
Cov tseem hwv Hooj Koos tau muab ib lub tsev kawm ntawv txheej siab cob rau Caritas lub Koom Haum kev kawm txuj. Lub tsev kawm ntawv no muaj 2,500 tus tub kawm. Yog qhov uas lub Cheeb Koom Txoos xav tau, thiab lawv tis npe rau lub tsev kawm ntawv hu ua “Tsev kawm ntawv Leej Ntshiab Fas Ntshis Kus”, yog hais txog Leej Ntshiab Fas Ntshis Kus Xas Vis Yes thiab Leej Ntshiab Fas Ntshis Kus ntawm As Xis Xis.
Hnub no, Hooj Koos muaj ib lub tsev kawm ntawv txheej siab raug cai thiab muaj lub npe ua ua “Tsev kawm ntawv Leej Ntshiab Fas Ntshis Kus” nyob hauv tseem hwv txoj cai lawm. Cov tseem hwv Hooj Koos tshaj tias lub tsev kawm ntawv “Leej Ntshiab Fas Ntshis Kus” yog Caritas Institute of Higher Education (CIHE) tus tus tswv. Yog ib lub tsev kawm ntawv uas yav tag los nyob hauv tseem hwv Aas Kiv txoj kev saib xyuas. Lub 10 hli tsaib no, cov tseem hwv Hooj Koos hais tias : lub tsev kawm ntawv txheej siab no tau ua txhua yam raws txoj cai thiab yog ib lub tsev kawm ntawv zoo tiag, ces lawv thov muab tso rau lub Cheeb Koom Txoos Kav Tos Liv ua tus kav, vim qhov no yog lub Cheeb Koom Txoos lub hom phiaj xav tau los ntev lawm.
