Kev txwv tsis pub neeg tawm nyob Dhaka, yog txwv los cheem kev tawm tsam Hasina.
Kev txwv tsis pub neeg tawm nyob Dhaka, yog txwv los cheem kev tawm tsam Hasina.
Tseem hwv xa tub rog mus nyob txhua txoj kev, thiab txwv tsis pub pej xeem tawm mus sib sau ua ke. Internet kuj siv tsis tau. Muaj qee tsab ntawv xov xwm tshaj tias muaj neeg tuag 105 leeg thiab cov raug mob 1,500 leej. Yog los ntawm kev tsoo thiab hlawv nkuaj kom cov neeg raug txim khiav dim. Cov xwm no yog pib los ntawm kev tawm tsam kev ntiav zog uas pauv ntxeev. Cov tub kawm ntawv uas yog neeg Is Ntias ntau pua leej raug xa rov qab. Tseem hwv Is Ntias tsis tawm tswv yim dab tsi txog cov teeb meem no. Tus thawj pwm tsav Sheikh Hasina tso cai txwv thoob plaws lub teb chaws, thiab tso tub rog mus saib xyuas kev ruaj ntseg nyob qhov txhia chaw. Tom qab muaj kev tawm tsam los yuav luag 2 lis piam. Kev tawm tsam pib ntxhov zuj zus nyob hauv 2 xyoos tag los. Cov tseem hwv tau kaw Internet thiab txhua yam kev sib xa xov, kom tsoom pej xeem txhob tau kev sib fim.
