Kev tshaj lub Moo Zoo, kev tshaj tawm thiab kev khuv leej 30 xyoo nyob Mas Les Xias teb
Kev ncaim mus ntawm Txiv Plig Jean-Claude, hnub tim 1 lub 9 hlis 2024. Ua rau txoj hauj lwm ua yaj saub nyob hauv lub Cheeb Koom Txoos Kuala Lumpur nyob Mas Les Xias teb khoob ntshuv tsis muaj neeg ua.
Txiv Plig Jean-Claude yog tus yaj saub txheej tshiab uas muab nws tus kheej ua hauj lwm rau kev tshaj lub Moo Zoo. Nws cov lus nthuav ntawv Moo Zoo tob kawg. Ua rau muaj neeg raws qab thiab qhia txog lub hwj chim ua tib zoo xav ntawm cov neeg ntseeg. Kev tshaj tawm hauv zej zog, nws nthuav ntawv Moo Zoo tau nkag siab yooj yim thiab txhais lub ntsiab hauv zaj nyeem lub thaj txi Ntuj tau zoo kawg. Nws piav tau haum peb lub neej kawg. Nws tej lus nthuav ntawv Moo Zoo kheev kheev muaj tej qho rau yus xav tau thiab txhim kom muaj kev hloov siab rau kev ntseeg thiab ua cov thwj tim ncaj ncees. Tas nws cov kev zoo uas muaj rau tsoom neeg ntseeg, yog hloov pauv txhua yam zoo zoo ntawm tej kev tshaj tawm, tsis hais nkauj, suab paj nruag Video, ua rau neeg nyiam thiab mus koom nws lub tsev teev Ntuj coob kawg.
Yog vim nws kev nyiam yeeb yaj duab, Txiv Plig Jean-Claude thiaj saib thiaj txiav tej ntu tseem ceeb los pab nws txoj kev nthuav ntawv Moo Zoo, ua rau nws cov zaj nyeem rais ua qhov ntxim siab ntawm cov neeg mloog. Dhau no lawm, nws tseem qhib kev rau tej zaj yeeb yaj duab uas muaj ntsiab lus zoo los pab txhim kho nws lub neej. Ces kev ua ib tug Txiv Plig Kav Tos Liv ntawm nws thiaj zoo thiab nws kev khuv leej tsis yog ua tawm ntawm lo lus xwb. Nws yog qhia kom pom txog kev sib pom dej siab tob tob nyob hauv txhua tus neeg uas rau ntsib thiab tau paub nws.
