Ib feem ntawm txoj cai : vim li cas daim ntawv taub hau neeg thiaj tseem ceeb ?
Ib feem ntawm txoj cai : vim li cas daim ntawv taub hau neeg thiaj tseem ceeb ?
Hnub tim 10 lub 12 hlis xyoo 1948, lub Leej Haum Kuj tau tshaj tawm tsab ntawv hais txog tib neeg kev ncaj ncees. Yog cov lus cog thoob ntiaj teb uas hais tias tib neeg txhua tus muaj cai tau txais kev nyob twj lij nrog lub meej mom, kev ncaj ncees thiab kev muaj vaj huam sib luag. Tsab ntawv no tau teeb txoj cai 30 nqe lus, yog txoj cai thoob ntiaj teb uas tsis tuaj yeem hloov tau thiab yuav sib vam khom. Nws kav txij txoj sia thiab kev twj lij mus txog kev kawm thiab kev muaj feem cuam hauv tej kab lis kev cai. Nyob hauv tsab cai no kuj muaj qhov tseem ceeb uas ntau zaus raug ntsia tsis pom. Yog txoj cai daim ntawv taub hau neeg nqe 15 uas hais meej tseeb tias :
“Txhua tus muaj cai muaj ntawv taub hau neeg. Thiab tsis muaj leej twg yuav rho tawm hauv haiv neeg los yog tsis lees txais kev hloov ua lwm haiv neeg.” Daim ntawv taub hau neeg tseem ceeb dua daim ntawv mus kev (Passport) los lwm yam ntaub ntawv uas tseem hwv ua. Nws yog qhov yuav pab kom neeg tuaj yeem taij thov thiab siv nws txoj cai uas cov teb chaw txoj cai lees paub. Nws yog qhov tseeb ntawm txoj cai hauv tej ntaub ntawv yug, ntaub ntawv sib yuav thiab ntaub ntawv tuag. Kom tseem hwv lees paub txog kev ua lub neej nyob ntawm tus neeg ntawd.
Qhov no pab kom tuaj yeem sau npe kawm ntawv tau, kho mob tau, ua zog tau, ua tswv tsev tau, nkag txog fab nyiaj txiag tau thiab mus qhov twg tau ywj siab. Qhov tseem ceeb yog pab kom tau txais kev txuag pov hwm los ntawm tseem hwv txoj cai thiab muaj cai koom nrog kev tseev tsim hauv zej zog. Tus tsis muaj ntawv taub hau neeg, mas yuav rais ua neeg tsis muaj cai nyob hauv tseem hwv txoj cai ib qho li.
Li ntawd, kev yuav daws kho txoj cai hauv tej ntaub ntawv tsis yog tseem hwv cov hauj lwm xwb, tab sis nws yog lub luag hauj lwm ntawm kev ncaj ncees. Nws yog qhov tseem ceeb ntawm kev ua neeg nyob mus txog qhov muaj feem tiag tiag ntawm kev khiav kom dim mus txog kev ua lub neej muaj meej mom. Hnub kev ncaj ncees nyob ntiaj teb tsis yog cia ua kev tsuj xeeb xwb, tab sis yuav txhib kom rov muab siab rau ua ntxiv. Yuav ua kom ntseeg tau tias cov lus cog tseg ntawm daim ntawv tshaj tawm txog tib neeg kev ncaj ncees raug muab los ua qhov tseeb hauv lub neej, tsis yog tias lub siab xav ua xwb. Lo lus nug uas ib tsoom neeg thoob ntiaj teb tab tom ntsib yog qhov tseeb thiab ceev heev. Peb puas yuav lees txais lub ntiaj teb uas muaj ntau plhom tus neeg tsis muaj hwj chim thiab ntsia tsis pom ? Los peb puas yuav tsum hwm qhov tias, txhua tus neeg tsis muaj kev zam txoj cai koom nrog zej zog ?
