Hauv kev xaus FABC lub rooj sab laj, Tswv Qhia Ferrao thov kom lub Koom Txoos tshawb nrhiav Tswv Ntuj txoj kev nyob.

Hauv lub thaj txi Ntuj xaus FABC lub rooj sab
laj, Tswv Qhia Ferrao thov kom lub Koom Txoos tshawb nrhiav Tswv Ntuj txoj kev
nyob. Kev nthuav ntawv Moo Zoo hais txog Niam Mab Liab nce mus saum Ntuj, Tswv
Qhia Ferrao hais tias : “Kev mus kev ntawm lub Koom Txoos, yog pib ntawm kev
nrhiav pom lub cuab tam uas Tswv Ntuj faus cia hauv tej kab lis kev cai, thiab hauv
ntau haiv neeg nyob As Xias.”
Thaum xav txog cov lus paj lug hauv ntawv Moo Zoo, uas hais txog lub cuab tam zais
ntshis, lub hlaws pliag deg thiab lub vas puav ntses. Nws txhib cov sawv cev hauv lub
rooj sab laj tias; kom ua lub suab nqua hu rau kev ua cov hauj lwm tshiab ntau dua
qhov xav tias yog kev sab laj.
‘Peb tsis tau coj Tswv Ntuj mus rau qhov chaw tsis muaj nws nyob’. Tswv Qhia Ferrao
hais tias : “Tab sis peb kawm kom paub Tswv Ntuj tus ib txwm nyob thiab twb ua hauj
lwm lawm.” Nws hais tias lub rooj sab laj Synodal thov kom lub Koom Txoos mloog
Leej Ntuj Plig Ntshiab cov lus hais nyob hauv ntawv Moo Zoo rau cov neeg pluag,
cov haiv neeg tsawg, cov yim neeg, cov tub ntxhais hluas, cov tsiv teb tsaws chaw
thiab cov neeg coj lwm txoj kev ntseeg. Tab txawm muaj ntau yam kev txhawj xeeb,
xws li kev pluag txom nyem, kev sib txeeb sib tawg, kev tsiv teb tsaws chaw, kev sib

cais thiab kev piam sij ntawm txhua yam nyob ib puag ncig. Tsis kav lub Koom Txoos
yuav ua txhua yam nyob hauv kev ua neeg me, kev sib tham thiab kev muab siab rau
sib mloog. Tswv Qhia Ferrao hais txog cov Txiv Plig lub hwj chim, kev tswj lub hwj
chim, kev sib tw thiab kev sib cais. Kev muaj feem cuam thiab kev sib koom ua ib tug
tseeb tiag, yuav vam txog kev txais tos txhua lub suab. Dhau no lawm, nws tseem thov
kom lub Koom Txoos tso kev cib nyeej thiab tej hauj lwm uas tav Tswv Ntuj kev tseg.
Hauv kev xaus lub rooj sab laj, nws thov kom cov sawv cev coj tus ntsuj plig hauv kev
xav txog thiab kev sib tham rov mus rau lawv cov tsev teev Ntuj nyob hauv zej zog.
Kom kev ua lub pwm tsav (Synodal) yog Synodal tseeb tiag uas pom tau nyob hauv
kev sib mloog, kev ua tub txib thiab kev txhawb nqa cov neeg pluag txom nyem, cov
neeg raug mob thiab cov tab tom nrhiav kev cia siab. Nws hais tias; lub rooj sab laj
zaum no xaus lawm, yog kev pib lub Koom Txoos As Xias cov hauj lwm tshiab uas yuav
ua tus tuam choj tseeb tiag.