FABC ua lub thaj txi Ntuj kaw lub rooj sab laj loj nyob hauv lub tuam tsev teev Ntuj Jakarta thiab thov kom ua cov hauj lwm ntawm Synodal.

Muaj Tswv Qhia Liab Ignatius Suharyo ua tus coj lub
Txoos nrog tau tus pab lub Txoos uas yog Tswv Qhia Ferrao. Tswv Qhia Antonius
Subianto, cov Tswv Qhia thiab cov Txiv Plig nyob hauv xeev ntuj.
Lub thaj txi Ntuj no yog xaus kev rov xav txog tas ib lis piam hauv lub ntsiab lus “Kev
pauv ntxeev hauv lub pwm tsav (Synodal) thiab cov hauj lwm ua tus choj thiab ua tus
tuam choj nyob As Xias.” Lub thaj txi Ntuj zaum no muaj Is Ntos Nes Xias tej kab lis kev
cai, nrog rau kev seev cev thiab kev teev Ntuj ua ntau xeem lus. Ua kom pom tias ntau
yam sib txawv hauv tej kab lis kev cai thiab xeem lus zoo nyob hauv lub teb chaws.
Hauv Tswv Qhia Ferrao cov lus nthuav ntawv Moo Zoo, mas nws thov kom lub Koom
Txoos tuam choj txuas nrog txhua txheej neeg, thiab zeem tseeb tias txhua yam kev

txiav txim siab hauv kev tshaj lub Moo Zoo, yog txhawb nqa kev sib koom siab, kev
muaj feem cuam, kev thaj yeeb thiab kev saib xyuas cov neeg pluag txom nyem.
Lub rooj sab laj xaus rau kev tshaj tsab ntawv kawg tias : “Nej yuav pom tej yam loj
dua no.” Txhib kom lub Koom Txoos As Xias txhim kho kev mus kev hauv lub pwm tsav
nyob hauv kev sib tham, kev sib haum xeeb, kev cia siab thiab kev thaj yeeb.”
Tom qab xaus lub thaj txi Ntuj, cov sawv cev tau ua ke tawm rooj fiv Ntuj hauv lub Cim
chaws lub qhov av ntawm kev phooj ywg nyob Jakarta, mus rau lub tsev teev Ntuj
Istiqlal uas nyob ze ntawd. Yog qhia txog lub rooj sab laj kev nqua hu kom txhawb
nqa kev sib tham ntawm cov kev teev hawm thiab kev sib hwm. Thaum cov tuaj koom
lub rooj sab laj rov mus tsev, mas lawv yuav coj kev muab siab rau ua ke hauv kev sib
koom siab kom rais ua qhov tseeb uas tuav tau tiag, thiab ua tus tuam choj txuas nrog
nyias lub zej zog.