Cov thawj coj lub Koom Txoos Is Ntias hauv xeev ntuj Agra nrhiav tswv yim ua kom tau tsim kev sib tham nrog lwm cov kev teev hawm.
Lawv hais txog kev ua kom tau tsim kev sib raug zoo nrog cov neeg hauv lwm txoj kev ntseeg, thiab txhawb nqa kev pheej xeeb ntawm cov neeg ntseeg hauv xeev ntuj thiab hauv Cheeb Koom Txoos. Cov thawj coj Kav Tos Liv hauv 9 lub Cheeb Koom Txoos nyob Is Ntias qaum teb tau sib sau ua ke hnub tim 24 lub 9 hlis hauv lub nroog Ajmer xeev Rajasthan, kom tau koom txais kev qhuab qhia uas hais txog tsim kev pheej xeeb ntawm cov neeg ntseeg thiab kev nrog lwm cov kev teev hawm sib tham. Muaj cov Tswv Qhia, cov Txiv Plig thiab cov thawj coj neeg ntseeg li ntawm 30 leej hauv thaj tsam Agra tuaj koom. Kev qhuab qhia no yog pab kav xwm hauv thaj tsam Agra nrog rau pab kav xwm lub Koom Txoos kev pheej xeeb ntawm lub pwm tsav cov Tswv Qhia Kav Tos Liv nyob Is Ntias teb ua tus npaj, los rau lub Koom Txoos kev pheej xeeb thiab kev sib tham.
Tswv Qhia Carvalho uas nyob Ajmer hais tias : “Kev sib tham yog qhov tseem ceeb ntawm ntau txoj kev ntseeg nyob Is Ntias teb.” Nws hais tias : “Tsis yog kev xaiv, tab sis yog kev ua lub neej.” Txiv Plig Norbert Herman thov kom lub Koom Txoos cov thawj coj tso kev sib tham hais txog tus txheej txheem tseg, thiab txhim kho kev sib tham kom haum nrog kev ntseeg hauv niaj hnub. Cov tuaj sib koom tau muab tus txheej txheem kev ntseeg los sib tuav xam, kom ua chaw pheej xeeb rau cov neeg ntseeg tau coj mus siv nyob hauv xeev ntuj thiab hauv cov Cheeb Koom Txoos. Kev sib tham ua rau lawv tuaj yeem sib faib tswv yim thiab qhia txog kev ua kom haum nrog cov zej zog. Kev qhuab qhia xaus rau kev muab siab rau txhawb nqa kev sib raug zoo ntawm cov kev teev hawm. Txhawb nqa kev pheej xeeb ntawm cov neeg ntseeg, thiab ua kom kev sib tham yog ib feem tseem ceeb hauv kev tshaj lub Moo Zoo.
