Cov Kav Tos Liv Xis Laas Kas thov qhov tseeb hais txog tus Txiv Plig uas ploj mus lawm 20 xyoo ua ntej no.

Hnub tim 20 lub 8 hlis no, tsoom pej xeem 200 tawm leej tuaj sib sau nyob Allaipitty hauv lub nroog Jaffna, kom tau nco txog Txiv Plig Nihal Jim Brown thiab Vinces Vimalathas uas nkawd tau ploj nyob hauv hnub tim 20 lub 8 hli xyoo 2006.

Thaum ntawd Txiv Plig Brown hnub nyoog muaj 35 xyoos, thiab nws yog tus Txiv Plig nyob hauv lub tsev teev Ntuj hwm Leej Ntshiab Fis Lis Pos Neri. Nws ua hauj lwm pab cov neeg khiav ua thoj nam los ntawm tseem hwv thiab cov Tamil ntxeev siab. Hauv kev nco txog lawv thov Ntuj thiab mus ua kab sab hla tej chaw. Cov neeg tawm tsam tuav tej daim ntawv taij thov qhov tseeb, thiab thov kev ncaj ncees rau ob tug txiv neej ntawd thiab lwm tus uas tau ploj nyob hauv ntsuj tsov rog uas xaus rau xyoo 2009.

Txiv Plig Leo Armstrong uas yog tus Txiv Plig saib lub tsev teev Ntuj zim txwv no hais tias : “Tsoom pej xeem tsim nyog yuav paub qhov tseeb tas muaj dab tsi tshwm sim rau Txiv Plig Brown thiab nws tus phooj ywg. Nws xav tias hais qhov tsawg mas muaj 21 tus neeg nyob Allaipitty uas ploj nyob hauv xyoo 1990.” Tab txawm tias cov tsev teev Ntuj, lub Koom Haum tib neeg kev ncaj ncees thiab cov tsev neeg tau taij thov ntau zaus, tsis kav twb 20 xyoo dhau mus lawm uas tsis muaj kev soj ntsuam thiab cov lus meej tseeb li. Cov kav xwm fab kev ncaj ncees thiab kev thaj yeeb hauv lub Cheeb Koom Txoos Jaffna’s hais tias : “Txiv Plig Brown txoj kev ploj ua kev nyuab siab rau nws tsev neeg kawg.” Txiv Plig Anthonipillai Augusti tus thawj tswj cov kav xwm thov kom tseem hwv lees txog kev hla txoj cai uas raug cov tub rog iab hiam. Nws hais tias : “Peb yuav vam txog kev ncaj ncees los ntawm cov neeg phem tua neeg li no tau li cas ? Cov tseem hwv tsim nyog lees txais txog lawv cov tub rog txoj kev iab hiam.”