Anwar Ibrahim yuav ntsib tus thawj tub rog Min Aung Hlaing, yog hais txog tib neeg kev ncaj ncees xwb.

Anwar Ibrahim yuav ntsib tus thawj tub rog Min Aung Hlaing, yog hais txog tib neeg kev ncaj ncees xwb.

Tus thawj pwm tsav Mas Les Xias yuav ntsib cov tub rog Mias Mas rau hnub 5 no, kom tau ncua tseg kev sib ntaus rog tom qab av qeeg loj kawg hauv lub 3 hlis tag los. Kev txhawj xeeb tab tom muaj heev zuj zus hauv tseem hwv Mias Mas txoj kev txhawb nq. Mas Les Xias teb kuj npaj siab yuav xa kev pab mus rau tsoom pej xeem. Asean hais meej tias yuav ua raws kev thaj yeeb 5 yam, tab sis txog txog tav no pom tias tsis tau qab hau dab tsi.

Kev mus tsham ntawm Min Aung Hlaing muaj nyob hauv lub caij tab tom kub ntxhov, thiab ntsib teeb meem kev tsis ncaj ncees loj kawg nyob hauv ntau caum xyoo. Dhau ntawm av qeeg nyob Mandalay thiab Sagaing lawm, lub teb chaws no tseem muaj tsov rog ua ntu zus los tau 4 xyoos ntau. Yog pib txij hnub cov tub rog txeeb teb chaws hauv lub 2 hlis xyoo 2021, uas yog txeeb los ntawm Oos Xas Xus Cis.

Tom qab av qeeg, cov tub rog thiab cov neeg tuav riam phom rov sib tua rog hnyav kawg nyob hauv ntau xyoo tag los.