Vaj Qhia hais rau tsoom pej xeem Kas Mes Lus tias : txog sij hawm lawm uas cov tub ntxhais hluas thiab zej zog yuav ua cov hauj lwm tseem ceeb.
Vaj Qhia hais rau tsoom pej xeem Kas Mes Lus tias : txog sij hawm lawm uas cov tub ntxhais hluas thiab zej zog yuav ua cov hauj lwm tseem ceeb.
Hnub no thaum yav hnub qaij, Vaj Qhia Leo 14 tau ncaim lub tuam ceeb Algiers mus txog Kas Mes Lus teb lawm. Yog lub hom phiaj tim ob hauv nws txoj kev mus tsham Africa teb. Hauv Vaj Qhia cov lus hais thawj zaug, nws hais tias kev thaj yeeb xav tau cov tub ntxhais hluas, cov poj niam thiab kev cia siab hauv zej zog. Yog cov uas tuaj yeem teb tau rau kev tshaib nqhis thiab kev xav tau kev ncaj ncees uas ri mus thoob ntiaj teb zim txwv no. Vaj Qhia cov lus hais rau cov nom Kas Mes Lus nyob Yaoundé, nws thov kom lawv tsim kev thaj yeeb los ntawm kev lees txais yam lub teb chaws xav tau hauv kev rov txhim kho.
Vaj Qhia pib hais nws cov lus nyob hauv Yaounde, nws hais txog lub teb chaws no tias ‘yog Africa me’, vim ntau yam thiab kev nplua nuj hauv lub teb chaws, kab lis kev cai thiab xeem lus. Kev muaj ntau yam tsis yog qhov tsis muaj zog, tab sis yog lub cuab tam muaj nuj nqis. Nws yog lo lus cog ntawm kev ua kwv ua tij thiab yog tus cag ruaj khov hauv kev tsim kev thaj yeeb uas nyob ntev.
