Lub meej mom ntawm kev ua hauj lwm thiab txoj cai ntawm cov tub zog. (The dignity of work)

Lub meej mom ntawm kev ua hauj lwm thiab txoj cai ntawm cov tub zog. (The Dignity of Work and the Rights of Workers)

Kev lag luam yuav ua hauj lwm rau tib neeg, tsis yog qhov rov qab qees. Kev ua hauj lwm yog qhov ntau dua kev nrhiav yug lub neej. Tab sis yog ib qho uas muaj feem cuam hauv kev txhim kho ntawm Tswv Ntuj. Yog koj xav txuag lub meej mom hauv kev ua hauj lwm, yuav tau hwm txoj cai hauv cov neeg ua hauj lwm. Piv li txoj cai hauv kev ua hauj lwm uas zoo, txoj cai tau txais nqi zog tsim nyog thiab ncaj ncees. Txoj cai teeb tsa thiab kev nkag mus koom lub Koom Haum tub zog. Txoj cai hauv kev nplua nuj ntiag tug thiab txoj cai hauv kev pib ua lag luam.

Cov lus nyob hauv Ntawv Ntshiab.

Ntawv Hauv Paus zaj 2, qib 1 txog qib 3. Tswv Ntuj thiab lub ntiaj teb yog tsim zoo li no, thiab tas txhia yam nyob rau hauv. Tswv Ntuj ua nws cov hauj lwm tiav tas rau hnub Xya nws thiaj so, vim nws ua nws cov hauj lwm tiav tas. Tswv Ntuj foom lus zoo rau hnub Xya thiab muab hnub Xya ua hnub ntshiab, vim nws ua nws txoj num tsim ntuj tsim teb tiav tas, ces hnub ntawd nws so.

Ntawv Hauv Paus zaj 2, qib 15. Tswv Ntuj coj tus txiv neej mus nyob hauv lub vaj Es Dees kom nws cog lub vaj thiab saib lub vaj.

Txoj Cai Ob zaj 5, qib 13 txog 15. Koj yuav ua hauj lwm rau hnub, koj yuav lis txhua yam dej num kom tas. Tab sis hnub Xya yog koj tus Huab Tais Tswv Ntuj hnub Xas Npas Tos. Koj tus Huab Tais Tswv Ntuj thiaj qhia koj kom caiv hnub Xas Npas Tos. Vim hnub Xas Npas Tos yog sawv daws hnub.

Txoj Cai Ob zaj 14, qib 28-29. Tswv Ntuj foom hmoov zoo rau peb cov hauj lwm, kom peb tau faib rau lwm tus.

Txoj Cai Ob zaj 24, qib 14-15. Txhob txo koj cov tub zog tus nqi zog, vim kev yug lawv lub neej yog lawv li.

Npes Xis Las 34, qib 26-27. Kev txeeb tub zog tus nqi zog, yog kev tua neeg.

His Xais zaj 58, qib 26-27. Yog koj ua raws kev teev hawm quab yuam koj cov tub zog, mas yog kev teev hawm yuam kev.

Yes Les Mias zaj 22, qib 13. Tus ua rau cov tub zog tsis ncaj ncees, nws txoj hmoov phem.

Mas Tais zaj 20, qib 1-16. Cov tub zog txhua tus tsim nyog tau txais nqi tus zog ncaj ncees thiab txaus yug lawv lub neej.

Mas Kos zaj 2, qib 27. Ntuj tsim hnub Xas Npas Tos rau neeg, tsis yog tsim neeg rau hnub Xas Npas Tos.

Lus Kas zaj 3, qib 10-14. Yuav ua ncaj ncees nyob hauv kev ua hauj lwm.

Lus Kas zaj 12, qib 13-21. Neeg qhov muaj nqis, tsis yog nyob ntawm lub cuab tam.

Yas Kos zaj 5, qib 1-6. Tus neeg nplua nuj, vim nws hiam nws cov tub zog, mas yog nws ua txhaum rau Tswv Ntuj.

Peb pom meej tseeb nyob hauv Ntawv Ntshiab thawj phab hais txog kev ua hauj lwm, yog cov hauj lwm tseem ceeb ntawm neeg lub meej mom. Nyob hauv peb hais tias : ‘Tswv Ntuj coj neeg mus nyob hauv lub vaj Es Dees, kom neeg tau cog lub vaj thiab saib lub vaj.’ Tib neeg raug xaiv los ua tub zog nyob saum npoo av, kom sau lub zog raws li ntuj tsim thiab tsim tawm. Dhau ntawm kev cog thiab tus kheej lub peev xwm, cov tub zog yuav ua kom zej zog vam meej thiab txawj nrhiav tej yam cheem tsum, kev ruaj khov thiab kev zoo txhij txhua nyob hauv yus lub cuab yim neej.

Thov kom nej tau pom kev vam meej ntawm Yes Lus Xas Las tag nej sim neej. Thov kom nej tau pom nej cov xeeb leej xeeb ntxwv. Kev ua hauj lwm tsim nyog yuav ua qhov pib ntawm kev loj hlob ntiag tug uas nplua nuj. Nws muaj ntau ntau yam los cuam tshuam xws li : lub tswv yim txhim kho, kev tuav xam txog yav tom ntej, kev txhim kho kev txawj ntse, kev ua lub neej raws qhov yus nyiam, kev nrog lwm tus sib cog phooj ywg thiab kev cav txog Tswv Ntuj. Li ntawd, qhov tseeb ntawm lub ntuj nyem no tsim nyog peb yuav saib lub hom phiaj yog qhov tseem ceeb hauv kev ntiav zog ntawm txhua leej. Tsis txhob xav txog qhov xav tau txiaj ntsim ntawm kev lag luam xwb. Peb txhua tus raug tsim los ua hauj lwm, ces lub hom phiaj tsis tsim nyog yuav los thaiv kev ua hauj lwm ntawm tib neeg ntau dhau.

Kev loj hlob hauv kev ncaj ncees yog qhov xav tau tshaj kev loj hlob ntawm kev lag luam, ces yuav tsum yog loj hlob nyob hauv kev ncaj ncees. Kev txiav txim siab, tus qauv thiab taw mus rau kev tau nyiaj zoo, kev tsim cov neeg ntiav zog thiab txhawb nqa cov neeg pluag. Nws yog qhov zoo tshaj txhua yam. Kev muab siab rau nrhiav nyiaj, tab sis xav txo cov tub zog thiab ua kom muaj cov tiv thaiv, yog yam tsis muaj neeg xav tau. Kuv xav ceeb toom rau nej txhua leej tias ; peev nyiaj txiag tiv thaiv thiab ua kom neeg muaj nqis yog tus neeg ncaj ncees dawb huv. Vim tib neeg yog qhov chaw txhawv ntawm lub hom phiaj kev lag luam thiab zej zog.

Kev txom nyem muaj ntau txoj kev, kev txom nyem yog los ntawm kev hla tib neeg cov hauj lwm lub meej mom. Tsis hais kev ntiav zog thiab tsis muaj hauj lwm ua kuj xij. Txoj cai ntawm kev txais nqi zog ncaj ncees thiab ruaj khov ntawm cov tub zog thiab lawv tsev neeg. Kev siv lub dag zog ua hauj lwm los yug tsev neeg ntawm cov tub zog, yog qhov tsim nyog yuav ua li ntawd. Txhua tus muaj cai tau txais kev pib ntawm lag luam, kev ua hauj lwm zoo, kev tau txais nqi zog thiab kev saib xyuas ncaj ncees, kev muaj chaw ua hauj lwm zoo thiab kev nkag mus koom cov Koom Haum lag luam. Hauj lwm yog ib feem ntawm neeg ntiag tug raws li tau hais los lawm. Neeg yuav tsum ua hauj lwm kom nyob tau thiab txhim kho ntxiv mus. Tus neeg ua hauj lwm yuav nco txog lwm tus neeg, xws li nws tsev neeg thiab lub zej zog, lub teb chaws. Yus yog ib tug nyob hauv yus tsev neeg, vim yus yog cov neeg ua hauj lwm ib tiam dhau ib tiam cov xeeb ntxwv. Yus kuj yog tus tsim lub neej yav tom ntej rau lwm tus yuav los txais ua ntxiv mus raws li tej liv xwm.

Kev ua hauj lwm yog qhov zoo ntawm tib neeg, yog qhov zoo rau kev ua neej. Vim kev ua hauj lwm tsis ua kom yam ntuj tsim hloov tau los haum tus kheej, tab sis ua kom yus paub txog kev ua neeg. Ib qho ntxiv kuj ua rau yus tsheej neeg ntxiv tuaj thiab. Tas txhua txoj cai no, yog qhov cov tub zog los cov neeg ua hauj lwm yuav tau txuag cia. Kom muaj cai sib sau ua pab pawg thiab txuag lub txiaj ntsim ntawm cov neeg ua txhua yam hauj lwm. Cov neeg no peb hu ua lub Koom Haum tub zog.

Lub Koom Txoos lees tias : kev pib, yam hauj lwm thiab hom phiaj yuav tsum yog leej tib neeg. Txhua tus muaj cai ua hauj lwm, muaj cai txhim kho thiab hloov tus cuj pwm nyob hauv kev ua hauj lwm. Muaj cai tau txais nqi zog yam ncaj ncees, kom tsev neeg muaj nqis nyob hauv lub cuab tam, zej zog, kab lis kev cai thiab fab ntsuj plig. Muaj cai tau txais kev pab thaum muaj kev cheem tsum, kev mob nkeeg los sis thaum laus.