Ib tug blogger uas yog neeg Nyab Laj hu ua Huy Duc raug kaw nkuaj 30 xyoo, vim nws hla txoj cai twj lij hauv kev muaj vaj huam sib luag
Blogger yog cov neeg uas sau ub sau no tso tsawm nyob hauv Online, xws li Website, Blog, Facebook, Youtube, Tiktok thiab Instagram.
Txhua yam nyob ib puag ncig thiab kev tiv kev nyiag noj nyiaj uas zim txwv no yog To Lam ua tus coj. Tej yam no yog qhov tsis xyuam xim uas blogger raug kaw nkuaj, nyob hauv hnub tim 7 lub 6 hli tsaib no. Tsis paub tias nws puas yuav sau ntawv thov zam txim los tsis sau. Pab neeg saib xyuas tib neeg kev ncaj ncees ntawm cov teb chaws thov kom tso nws.
Lub tsev txiav txim nyob Nyab Laj teb txiav txim muab Truong Huy San uas nws yog ib tug blogger hnub nyoog 64 xyoos kaw nkuaj. Sawv daws paub nws hauv lub npe Huy Duc thiab nws yog tus sau phau ntawv “The Winning Side”. Lub tsev txiav txim, txiav txim muab nws kaw 2 xyoos ntau, yog vim nws hla txoj cai twj lij hauv kev muaj vaj huam sib luag. Uas cuam tshuam txog kev tso tawm hauv nws qhov Social Media. Yog raws li Radio Free Asia (RFA) tshaj tawm.
Kev sib hais plaub ntawm tus blogger no, pom tias teeb meem yog los ntawm kev tshaj tej yam tsis xyuam xim uas hais txog tej hauj lwm zim txwv no. Yog hais txog txhua yam nyob ib puag ncig thiab kev nyiag noj nyiaj. Cov tub ceev xwm ntes nws hnub tim 7 lub 6 hli tsaib no. Nyob hauv ob peb lub hlis tag los, muaj ntawv thov txo txim tuaj ntawm txawv teb chaws tuaj kom tso nws. Cov ntaub ntawv ntawd tsis tiav. Qhov no yog qhov pom tseeb txog kev nqis tes ua ntawm To Lam, uas nws yog tus thawj coj koom tshaj thiab ua tus kav teb chaws.
