Cov pej xeem ntau pua leej khiav nkag Thaib teb, hauv kev nrhiav ntes nyob Mias Mas teb

Cov kws txawj ntse hais tias ; cov Koom Haum ntxias dag hla teb chaws nyob As Xias toob fab naj, vam meej sai kawg nyob hauv ntau xyoo dhau los. Muaj cov neeg txawj ntxias dag ntau txhiab leej muaj feem cuam txog cov hauj lwm no. 

Cov tub ceev xwm Thaib hais tawm hnub tim 23 lub 10 hli no tias : muaj cov neeg Mias Ms coob tshaj 600 leej khiav tawm ntawm ib lub tsev ntxias dag, uas nrov tshaj nyob Mias Mas teb. Lawv khiav hla ciam teb mus rau sab Thaib teb, tom qab cov tub rog nkag mus soj ntsuam hauv lub tsev ntxias dag.

Lub tsev ntxias dag loj no, cov neeg ntxias dag siv ua qhov chaw nrhiav txij nkawm thiab ntxias dag hauv kev lag luam. Nws kheev kheev ntxias dag neeg raws Thaib thiab Mias Mas ciam teb, hauv cov thaj tsam uas txoj cai xoob. Uas yog los ntawm kev txeeb teb chaws xyoo 2021. Kev cheb ntxuav nrov ncha ntws nyob hauv lub 2 hlis, ua kom muaj cov tub zog li ntawm 7,000 leej raug xa rov qab mus lawv teb chaws, thiab Thaib teb tau kaw Internet hla ciam teb. Tab sis kev soj ntsuam ntawm cov ntawv xov xwm hauv lub hlis no, pom tias kev txhim vaj tse tseem muaj thiab ua tau sai heev nyob hauv thaj tsam ntawd. Lawv muaj kev tis cov tshuab txais Internet Starlink ntau kawg. Saib zoo li yog txuas nrog lub Koom Haum hnub qub cuav Elon Musk.