Cov neeg Nyab Laj muaj hnub nyoog ntev dua, tab sis kev noj qab haus huv ntawm cov laus ho tsis zoo
Raws lub hnub nyoog ntawm cov neeg Nyab Laj, mas feem coob nyob txog 74 xyoos, tab sis kev mob nkeeg ho muaj nyob hauv cov txiv neej hnub nyoog 60. Ces lub pwm tsav kev noj qab haus huv tab tom ntsib teeb meem peev nyiaj txiag loj kawg. Kev ua hauj lwm tsis txaus, thiab tsoom pej xeem huam vam sai heev. Xyoo 2050, hauv 4 tus neeg Nyab Laj, mas ib tug yuav yog neeg laus. Pom tias cov neeg Nyab Laj nyob ntev, tab sis cov neeg laus kuj muaj ntau yam mob ntxiv. Tshwj xeeb tshaj yog cov txiv neej. Raws tseem hwv kev soj ntsuam, mas cov neeg Nyab Laj lub hnub nyoog yog nyob txog 74 xyoos ntau. Cov txiv neej yuav nyob txog 70 xyoo ntau, thiab cov poj niam nyob txog 79 xyoos ntau. Cov neeg uas lub cev ntaj ntsug nyob zoo yog 65 xyoos.
Yam uas lub pwm tsav kev noj qab haus huv txhawj xeeb tshaj, yog kev kis kab mob. Xws li ntshav qab zib, ntshav siab, mob plawv thiab hlab ntsha, mob pob qij txha thiab mob nqaij hlav (Cancer). Tsis tas li ntawd, kuj tseem muaj kev txawv txav hauv lub tswv yim, kev hnov qab nco tsis tau dab tsi thiab kev ntsoos. Tej yam no kheev kheev tshwm sim ua ke. Cov neeg laus 77 feem pua yog muaj ob tug kab mob nce mus.
Cov zauv no yog qhov poob siab thiab txaus txhawj. Qhov txhawj xeeb ntawm kev noj qab haus huv no, yog tsis muaj kev tiv thaiv kom zoo, kev ua hauj lwm pab cov neeg laus kuj muaj tsis txaus, lawv ua lub neej tsis zoo rau lub cev, thiab kev saib xyuas cov neeg laus qis kawg los ntev lawm. Nws raug tej kev lag luam tseem ceeb los npog tas, ua kom neeg tsis nco txog kev saib xyuas cov neeg laus.
