Cov me nyuam nyob GAZA poob nyob hauv qhov tsis zoo, thaum tsoom pej xeem tawm tsam tuaj
Cov me nyuam nyob GAZA yog cov uas yuav ntsib teeb meem loj los ntawm tsov rog cheb ntxuav cov Pas Les Tis Nas tawm ntawm thaj chaw ntawd. Lub Leej Haum Kuj peev nyiaj txiag pab cov me nyuam hais tias : cov me nyuam nyob GAZA 15,000 tawm leej raug tua tuag, hos 34,000 leej raug mob thiab yuav luag 1 plhom leej khiav ua neeg thoj nam.
Tsis muaj ib qho chaw twg nyob ntiaj teb no uas cov me nyuam raug txiav tes taw cuag cov nyob GAZA. Cov me nyuam nyob GAZA ntau caum txhiab leej raug ncaim niam ncaim txiv thiab coob leej raug tuag los ntawm cov His Xas Lais kev tso hoob pob nyob hauv txhua hnub. Tsoom pej xeem tshaj 2 plhom leej nyiaj tshaib yoo nqhis, vim cov tub rog His Xas Lais tsis pub xa kev pab mus txog GAZA. Cov tub rog His Xas Lais tsuav kheev cov Koom Haum uas lawv xaiv nkag mus tau xwb.
Cov Pas Les Tis Nas coob kawg raug tua tuag nyob hauv qhov chaw faib toob xib nyob GAZA. Kev tshaib nqhis thiab kev tag kev cia siab ntawm tsoom pej xeem ntau txhiab leej, tab tom ua qhov chaw mob siab. Tshwj xeeb tshaj yog cov me nyuam yaus, uas lawv tsis tuaj yeem yuav rov zoo tau nyob hauv tej kev phem no.
