Txuag txhiam xwm noj kom zoo, txhob pub nkim pov tseg 2. (Saving Good Food from Going Bad 2)
Txuag txhiam xwm noj kom zoo, txhob pub nkim pov tseg 2 (Saving Good Food from Going Bad (2).
Nyob hauv ntu 2 no, peb yuav los tham txog tej txhiam xws uas tsis tuaj yeem noj ib pluag kom tas. Tej zaub mov uas seem pov tseg muaj qhov cuam tshuam sib txawv hauv zej zog thiab thoob ntiaj teb.
Mcdonald's Mondelez JBS uas yog tus tsim nqaij ntau tshaj plaws nyob thoob ntiaj teb, tau cog lus tias yuav ua nqaij kom tshuav tsawg. Tab sis tam sim no lawv tab tom thim rov qab, vim kev vam meej loj hlob tuaj. Kev tso pa iav kuj muaj txhab nyob puv qhov txhia chaw xws li dej thiab khib nyiab. Cov Koom Haum no yog cov Koom Haum loj, ces peb yuav lees txais txog kev piam sij ntawm cov Koom Haum loj li no nws nyuab heev. Yav tag los tej liaj teb tsis tau koom nrog txoj cai ntawm huab cua pauv ntxeev, peb yog hais txog fossil, hais txog hluav taws xob, hais txog tsheb thiab kev thauj toob xib. Yam uas tam sim no tsis tau raug kav yog kev tso pa iav nyob hauv tej liaj teb. Yog tias koj yog neeg ua liaj ua teb, mas koj yeej nyiam li ntawd thiab. Vim tsis muaj leej twg xav raug kav. Nyob As Mes Lis Kas teb muaj ib thaj liaj teb uas loj dav heev thiab tsis xav raug kav los yog tswj hwm. Koj sim xav seb tas cov liaj teb nyob thoob ntiaj teb muaj kev pab txog kev tso pa iav ntau npaum li cas. Li ntawd, tej txhiam xws noj seem pov tseg uas niaj hnub no muaj nyob thoob ntiaj teb yog 30 feem pua, ces yog qhov teeb meem loj uas daws nyuab kawg. Muaj qee lub teb chaws tab tom siv zog daws cov teeb meem no. Nyob As Mes Lis Kas teb muaj kev muab txhiam xws noj pov tseg ntau kawg. Tas cov neeg nyob thoob ntiaj teb tsis hais cov tsev neeg los yog txhua tus neeg, muaj khib nyiab tsawg dua As Mes Lis Kas teb. Niaj hnub peb pom muaj cov tsheb loj loj uas muaj tej lub thawv txias ntim txhiam xws noj thauj mus rau ntau lub teb chaws. Tsis yog tias koj xav tau lub tsheb loj thauj txhiam xws noj uas muaj thawv txias xwb, koj kuj xav tau txoj kev tsheb uas zoo zoo rau tsheb khiav thiab.
Ntau lub teb chaws nyob sab hnub poob tab tom muab siab rau daws teeb meem hais txog txhiam xws seem pov tseg. Li ntawd, koj yuav pom tej toob xib txhiam xws muag nyob hauv tej khw cov uas tseem zoo siv, tej zaum nws yuav piam sij sai sai li 1-2 hnub kuj muaj. Cov txhiam xws uas nyob tau ntev xyoo tsis muaj tag hnub nyoog, mas yog ntsev thiab kua qaub thiab qee yam.
Cov txhiam xws seem pov tseg nyob As Mes Lis Kas teb, raug nqi li ntawm 160 txhiab plhom Pon nyob hauv txhua xyoo. Tej txhiam xws nkim pov tseg ntawd yog los ntawm lub cuab yim neej, tej kiab khw thiab tej liaj teb. Tas txhua yam uas hais no, lawv muaj cai tau txais kev txhawb nqa los ntawm tseem hwv kom tej txhiam xws nkim pov tseg ntawd tsawg zuj zus. Tab sis yuav tsum yog tau kev koom tes los ntawm cov tswv liaj tswv teb hauv zej zog thiab lub tuam txhab txhiam xws noj.
Dhau nov lawm, tseem muaj qee lub tuam txhab txhiam xws tseem faib txhiam xws rau cov neeg hauv cheeb tsam li ntawm 400,000 phaus. Yog tsis ua li ntawd, mas cov txhiam xws tsis muaj chaw mus thiab yuav seem pov tseg. Tej txiv xyoob txiv ntoo uas zoo tsis txaus coj mus muag nyob hauv cov tuam khw kuj tsis tau, vim nws muaj chaw tib. Ces tej txhiam xws ntawd yuav lwj tag nyob hauv tej liaj tej teb, ces cov tuam txhab Food Bank nyob thoob teb chaws tau thauj tej txhiam xws ntawd coj mus pov tseg li ntawm ntau plhom phaus.
Yog lawv muab cov txhiam xws uas tseem nyob hauv tej liaj teb sau los thiab txhob muab pov tseg, mas tau coj mus yug cov neeg txom nyem tsis muaj noj. Cov tuam txhab ua teb thiab cov tuam txhab txhiam xws noj txhawj kawg, vim lawv tsis muaj peev nyiaj tuav pov hwm thiab sau nyiaj ntawm tej liaj teb tau. Ces cov tseem hwv thiaj xav ua kom cov hauj lwm no ruaj khov ntxiv mus. Qee zaus peb ntshai cog zaub, vim peb tsis paub tias muaj kiab khw nyob ze. Thiab peb tsis paub yuav ua li cas, yog tias peb cov txhiam xws tsis muaj chaw tawm los yog tsis zoo. Piv li peb muaj ib daim teb txiv Apple uas raug daus npu, peb de cov txiv li ntawm 10,000 phaus, peb them nqi zog tau, tab sis peb tsis muaj chaw tawm. Ces tej yam no yog teeb meem rau peb uas yuav nkim tej txhiam xws ntawd pov tseg rau hauv liaj teb.
Ntxiv no mus peb yuav hnov txog kev muab siab rau pab txhiam xws noj kom tiav yog dhau ntawm As Mes Lis Kas teb lawm. Xws li Africa qab teb hauv lub tiaj suab puam Xas Has Las, tsoom pej xeem cog tib yam qoob loo los pauv txhiam xws noj nyob hauv zej zog. Koj lub tsev yuav tsis yog muaj tib yam txiv lws suav noj xwb, koj tseem xav tau ntau yam txhiam xws noj thiab. Peb tau hnov txog ntau yam ntawm cov teeb meem nkim txhiam xws pov tseg, tab sis muaj ntau leej uas lawv kuj tab tom ua cov hauj lwm los daws ntau yam teeb meem. Global Food Banking Network pab txhawb nqa tej txhiam xws seem ntawd ua ntej yuav raug coj mus pov tseg, thiab coj mus faib rau cov uas lawv raug kev txom nyem tsis muaj noj.
