5 yam teeb meem ntawm txhua yam nyob ib puag ncig uas peb yuav tsum xav txog (5 environmental problems)

5 yam teeb meem ntawm txhua yam nyob ib puag ncig uas peb yuav tsum xav txog. (5 environmental problems we to consider)

5 yam teeb meem no yog 5 yam uas ua teeb meem rau lub ntiaj teb zim txwv no, yog qhov teeb meem uas yuav tsum daws. Vim lub ntiaj teb yog qhov chaw nyob ntawm tib neeg thiab txhua yam muaj txoj sia. DW yuav xav txog qhov tshwm sim thiab daws kho.

1 – Cov pa phem thiab kev pauv ntxeev ntawm huab cua.

Kev thauj Carbon nyob nruab ntug thiab hauv hiav txwv muaj ntau dua cov Carbon dioxide saum nruab ntug. Kev nqus thiab tso infrared ntau ntau ua rau huab cua sov dua qub tuaj, nplaim dej thiab npoo av kuj kub dua qub tuaj thiab. Khuv xim tias zim txwv no cov Carbon nyob saum huab cua ntau dhau lawm, kev hlawv fossil, kev ntov hav zoov ua liaj ua teb thiab tej hauj lwm nyob hauv cov tuam tsev tsim toob xib ua kom cov Carbon dioxide nyeem tuaj li ntawm 280 feem plhom (pmm).

200 xyoo dhau los, kwv yees 400 feem plhom zim txwv no, nce siab yam tsis tau muaj los dua. Kev tso pa Carbon ntau dua ua rau huab cua phem heev kuj yog los ntawm kev hlawv thee av, hlawv roj thiab hlawv hav zoov. Tsis ntev los no, lub Koom Haum saib xyuas kev noj qab haus huv mem tias 1 ntawm 9 tus neeg tuag nyob hauv xyoo 2021, yog los ntawm tus kab mob huab cua phem uas yog Cancer. Qhov peb yuav ua tau, yog qhov hloov kev siv fossil los ua lub zog ntawm cov ncej khaub lig cua, kev cog xyoob cog ntoo, txo kev tso pa iav thiab pauv lub tswv yim ntawm kev ua liaj ua teb.

Qhov zoo, yog lub zog ntshiab huv tseem muaj ntau heev, tsuav yog peb khaws thiab pab txuag. Muaj coob leej hais tias yav tom ntej ntawm lub zog siv ncej khaub lig cua 100 feem pua yeej yuav ua tau xwb, vim Technology zim txwv no.

Qhov phem, xws li cov phiaj duab tshav ntuj, ncej khaub lig cua muaj muag ntau heev thiab tus nqi pheej yig, nws kuj zoo siv txhua lub sij hawm, tab sis neeg tseem muab mus siv tsis tau txhua thiab nws yog tej yam nrawm tsis txaus.

2 – Kev ntov ntoo luaj hav zoov.

Tej hav zoov ntsuab xiab tab tom raug ntov nyob hauv cov thaj tsham ntuj kub, kom tau chaw yug tsiaj, ua teb taum pauv, cog ntoo roj thiab ua liaj ua teb. Zim txwv no 30 feem pua ntawm lub ntiaj teb tseem yog hav zoov. Tab sis niaj xyoo muaj muaj 18 plhom hectares raug luaj thiab ntov. Cov hav zoov raug luaj raug ntov feem ntau yog nyob hauv cov teb chaws muaj ntuj sov ntau. Cov thaj tsam ntuj sov yog 15 feem pua ntawm lub ntiaj teb, tam sim no tsuas tshuav 6 los 7 feem pua lawm xwb. Dua li lwm cov mas raug luaj thiab hlawv tag. Hav zoov tsis yog tias zoo nkauj xwb, nws tseem pab khaws Carbon thiab. Nws lim los khaws tej Carbon ntawm cov txheej huab cua thiab dej hiav txwv. Yam uas peb ua tau yog pab txuag tej hav zoo uas tseem muaj nyob thiab rov cog xyoob ntoo kom ntau. Qhov no yog qhov tsim nyog yuav muab siab rau thiab ua tiag tiag kom tau. Tseem tshuav ntau thaj tsam nyob hauv cov teb chaws ntuj sov uas lawv tab tom txhim kho thiab pab txhawb. Tej lub teb chaws muaj neeg coob tuaj thiab yuav tsum faib dej av rau tsoom pej xeem kom txawj siv txawj txuag.

3 – Kev tu noob ntawm txhua hom xyoob ntoo.

Nyob nruab nqhuab, tej tsiaj nruab nrag raug tua yuav tu noob, vim neeg kev nrhiav noj, tua ntxhw yuav kaus los yog siv ua tshuaj. Hauv hiav txwv, muaj cov nkoj ntes ntses tis tej lub vas loj loj yuav muab ntses puav kom tag. Kev tu noob thiab kev nrhiav tej tsiaj nruab nqhuab nruab deg yog kev ua kom tsiaj tu noob. Tib neeg yog hom tau daim ntawv liab los ntawm txhua txhua lub teb chaws hais txog kev txuag xyoob ntoo. Vim tib neeg yog tus ua kom qee hom xyoob ntoo yuav tu noob thiab loj hlob tsis taus.

Tsav xyoob ntoo tsis yog nyob kom zoo nkauj zoo saib xwb, nws tseem yog pab tej yam tseem ceeb ntawm tib neeg lub neej txoj sia thiab. Koj sim xav txog cov muv uas nws ua kom daim nas muv muaj zib, nws yog muab siab rau ua kom muaj txhiam xws. Li ntawd, peb yuav sib pab txuag sib pab hwm kom muaj hav zoov rau tej me tsiaj nyob. Tso tseg kev tua tsiaj nruab nrag, kev ua luam muag tsiaj. Kev txuag thiab hwm tej tsiaj kuj muaj txiaj ntsim qab hau rau neeg thiab kev lag luam.

4 – Av tsuag av piam sij.

Kev cog nroj ntau dhau, kev khawb av, kev ua kom av ceev, kev sib hloov siv av kuj muaj qee yam ua kom av piam sij los yog av tsuag. Niaj xyoo muaj cov av cog qoob loo li ntawm 12 plhom hectares tsuag lawm ntau heev raws li lub Leej Haum Kuj kev soj ntsuam. Qhov peb yuav ua tau, yog qhov siv Technology thiab yuav ua cas kom av zoo tuaj. Yam li txhob laij teb ntau dhau, sib hloov cog qoob loo rau daim av qub, tso dej kom txaus, vim kev zoo ntawm qoob loo pab txuag av kom txhob tsuag.

Li ntawd, peb tsim nyog yuav paub txog kev piam sij no mus ntev ntev, kom tau pab txhua tus neeg kev ua lub neej kom sib luag. Qhov no tseem yog ib lo lus nug.

5 – Muaj neeg coob dhau.

Tib neeg vam meej sai kawg nyob thoob ntiaj teb, tib neeg nyob hauv tiam 20 thiab tam sim no muaj kwv yees 7 txhiab tawm plhom leej neeg nyob ntiaj teb. Raws kev kwv yees mas tib neeg hauv ntiaj teb no yuav coob txog 10 txhiab plhom leej rau xyoo 2050. Neeg vam meej thoob ntiaj teb thiab kev nplua nuj kuj vam meej tuaj yam tsis tu ncua. Kev kub ntxhov ntawm txhua yam nyob ntiaj teb no xws li dej. Kev vam meej feem ntau yog nyob hauv xeev ntuj As Fiv Kas, As Xias Naj thiab As Xias sab hnub tuaj.

Ua kom pom tias yog thaum cov poj niam muaj lub zog los kav lawv tus kheej kev loj hlob, thiab nkag txog kev kawm, kev ua hauj lwm rau pej xeem, mas kev yug me nyuam ntawm cov poj niam yuav tsawg sai heev. Yog ua tau mas txoj kev ntawd yuav pab kom cov poj niam dim ntawm kev pluag txom nyem, tsis hais cov teb chaws uas kev tswj hwm tseem qis kuj xij.