Leej Phau Mary Eliza, lub ntsej muag hauv kev nyiam kev hlub txhua txhia hnub

Leej Phauj Mary ntawm lub Koom Haum Mary Queen, nws muaj 42 xyoos. Nws yog tus saib lub tsev tshuaj los tsev kho mob Leej Ntshiab George, nyob hauv lub nroog Sherpur txij xyoo 2009 los lawm. Nws saib cov neeg mob ib hnub 40 leej thiab 90 feem pua yog cov Mawv Xis Lim. Hom kab mob uas kheev kheev ntsib yog kev muaj me nyuam nyuab thiab kev kis kab mob.

Leej Phauj Mary saib lub tsev tshuaj txij xyoo 2009 los lawm, nws tau kawm tiav fab ua tus saib faib tshuaj nyob hauv lub tsev kho mob Kumudini Nursing nyob Mirzapur. Nws kho txij tus kab mob nraum daim tawv nqaij mus txog tej hlab siab hlab ntsws thiab cov poj niam uas xeeb tub nyuab. Leej Phauj thiab nws cov neeg kho txhua yam kab mob, vim yog kev sib pom dej siab, kev khub leej thiab nws txoj kev txawj ntse. Cov neeg feem coob yog tuaj li ntawm 50 km kev tuaj, kom Leej Phauj tau pab kho lawv tej mob. Cov neeg ntawd tau hnov txog lawv tej kwv tij los tej neeg txheeb ze qhuas txog Leej Phauj, vim nws yog ib tug kws kho mob uas muab siab rau saib xyuas cov neeg mob thiab cov neeg lub cev ntaj ntsug tsis zoo. Nws kev saib xyuas yog nrog nraim cov neeg mob nyob ua ke txhua hnub thiab nws hais lus zoo, nws ua ntsej muag luag ntxhi txhua hnub.