Leej Ntshiab Xis Lis thiab Mes Tos

Xis Lis thiab Mes Tos ua Tswv Qhia nyob hauv tiam 9. Xis Lis thiab Mes Tos nkawd yog 2 kwv tij nyob hauv ib lub xeem. Mes Tos yog tus tij, Xis Lis yog tus kwv. Tom qab Xis Lis tau txais lub Cim Tiag Tes ua Leej Choj lawm, nws tau ua ib tug xib hwb nto npe nyob hauv lub tsev kawm ntawv txheej siab. Mes Tos tau ua ib tug nom kav ib lub pov txwv nyob Xas Las. Tom qab ntawd, Mes Tos tawm los ua ib tug Leej Choj thiab yog tus saib cov se ntawm tsoom pej xeem Hes Las.

Xyoo 892, tus vaj Mis Ses tim 3 tso lus rau cov tub tshaj Ntuj Lus tau kev tshaj Ntuj Lus nyob hauv lub teb chaws Mas Las Vis (Malawi), ces Xis Lis nkawd 2 kwv tij thiaj mus txog Los Mas, tus vaj Qhia As Khis Tas Nos tim 2 (Ankritano II) tsa nkawd ua Tswv Qhia. Nkawd raug xa mus tshaj Ntuj Lus rau haiv neeg Xas Las thiab sib pab txhais Ntawv Ntshiab ua lus Xas Las. Nkawd raug xwv txheej ntau yam ntawm tsov rog cov Zes Mas Nias thiab cov Xas Las, tab sis nkawd tsis thaub qab thiab tsis thim, nkawd ua siab tawv qhawv nyob hauv txoj kev tshaj Ntuj Lus.

Tswv Qhia Xis Lis tuag nyob Los Mas. Tswv Qhia Mes Tos tshaj Ntuj Lus ntxiv mus nyob Mas Las Vis teb thiab Pos Kas teb (Poland). Nws tuag nyob Mas Las Vis.

Leej Ntshiab Xis Lis thiab Leej Ntshiab Mes Tos nto npe tias 2 tug tub tshaj Ntuj Lus Xas Las.