Cov Thwj Tim sib pab xaiv 7 leej uas muaj kev ntseeg ruaj khov thiab siab zoo, kom tau pab cov neeg txom nyem. 7 leej ntawd lawv hu ua : “Cov tsim koob hmoov”. Tes Fas Nos yog thawj tug neeg uas tsim koob hmoov los yog tau ua zoo los lawm. Cov Thwj Tim tau ua ib lub cim rau cov tsim koob hmoov, yam li lawv thov Ntuj thiab tsa tes rau saum cov tsim koob hmoov taub hau. Tes Fas Nos uas yog tus nto npe txog kev tsim koob hmoov thiab pab cov neeg txom nyem, nws yog tus muaj peev xwm. Tes Fas Nos tau yog ib tug neeg muaj txiaj ntsim thiab muaj hwj chim. Nws ua hwj huam yees ntxwv thiab ib co cim loj kawg nyob hauv tsoom pej xeem. Tab sis muaj tug puav His Xas Lais hais tias : yog Tes Fas Nos thuam Tswv Ntuj thiab Mais Xes. Lawv thiaj ntes Tes Fas Nos mus rau cov His Xas Lais lub tsev txiav txim. Tes Fas Nos lub tswv yim ntse nrog lawv sib cav, lawv cav tsis yeej nws. Tsoom pej xeem sawv daws pom tias : lub sij hawm Tes Fas Nos tuav txog Yes Xus lub npe, mas muaj ib lub voj nyob ncig Tes Fas Nos taub hau thiab nws lub ntsej muag ci xws li ib tug Tshiab. Ces Tes Fas Nos raug cov yeeb ncuab cab tawm mus nraum ntug nroog, thiab lawv xuas pob zeb txawb nws tuag. Tes Fas Nos vau rau hauv av thiab nws qw nrov nrov tias : “Huab Tais, koj txhob muab qhov txhaum ntawd rau lawv ris”. Thiab Tes Fas Nos tseem qw tias : “Huab Tais Yes Xus, thov koj txais kuv tus ntsuj plig mas !” Tes Fas Nos hais li ntawd tas, ces nws txoj sia tu. (HL 6 : 8 – 7 : 60)
Tus txhais : Lis Maib, Zoo Tswv Zov Yaj
