Pob Zeb Kas Nis Xyus (Pieter Kanis) yug xyoo 1521 nyob Nis Mes Kas hauv Nes Des teb (Nijmengen, Netherland). Nws yog ib tus Leej Choj tseem ceeb hauv lub Koom Txoos Zes Mas Nias, nws tau lub npe tias tus Hauv Paus Xa Lus tim ob hauv Zes Mas Nias teb.
Thaum Pob Zeb Kas Nis Xyus hnub nyoog 19 xyoo, nws kawm ntawv tiav, nws tau ntsib Txiv Plig Pob Zeb Fas Npes (Peter Faber) ces nws txiav siab ua Leej Choj nyob hauv lub koom haum Yes Xus Is.
Xyoo 1547 Pob Zeb Kas Nis Xyus koom lub Rooj Ncauj Lus Rhis Las Dis Nus thiab tau tshaj Ntuj Lus nyob Zes Mas Nias teb. Pob Zeb Kas Nis Xyus sau tej phau ntawv piav txog Kav Tos Liv txoj kev ntseeg kom yooj yim rau tsoom neeg ua liaj ua teb kawm.
Thaum Pob Zeb Kas Nis Xyus muaj 70 xyoo, nws tuag tes tuag taw, tab sis nws niaj hnub ua txoj hauj lwm tshaj lub Moo Zoo tsis tseg. Hnub tim 21 lub 12 hlis xyoo 1597 Txiv Plig Pob Zeb Kas Nis Xyus thiaj mam tuag.
