Koom Txoos ntseeg tias Leej Ntshiab Npas Tos Los Mas Yos yog Huab Tais Yes Xus tus thwj tim ‘Nas Tas Nais’. Nyob hauv Zam Ntawv Moo Zoo tau hais txog Nas Tas Nais tias yog thawj tug lees tias Huab Tais Yes Xus yog Tswv Ntuj Leej Tub. Thaum Huab Tais Yes Xus sawv kev mus Nkas Lis Lais, nws hu Fis Lis Pos raws nws qab, ces Fis Lis Pos mus hu Nas Tas Nais tuaj ntsib Huab Tais Yes Xus. Huab Tais Yes Xus hais rau Nas Tas Nais tias “Nej saib, tus ntawd yog ib tug tseem His Xas Lais uas tsis zais siab li.” Thiab hais ntxiv tias “Thaum Fis Lis Pos tsis tau hu koj, kuv twb pom koj nyob hauv tsob qab ntoo txiv ncuav pias.”
Ces Nas Tas Nais hais rau Huab Tais Yes Xus tias “Las Npis, koj yog Tswv Ntuj Leej Tub tiag! Koj yog His Xas Lais tus vaj.” (Z 1: 45-49)
Nas Tas Nais kuj yog ib tug thwj tim tau pom Huab Tais Yes Xus yees tawm tuaj nyob ntawm ntug dej ntuj Tis Npes Lias nrog Xis Moos Pob Zeb, Tos Mas Dis Dws Mos, Yas Kos thiab Zam. (Z 21: 2)
Thiab nws kuj yog ib tug zeem tseeb txog Huab Tais Yes Xus nce mus saum Ntuj thiab. (HL 1: 12-13)
Tom qab Huab Tais Yes Xus mus saum Ntuj lawm, Npas Tos Los Mis tau mus tshaj lub Moo Zoo rau As Las Npias teb, thiab raug ntes coj mus laws tawv thiab txiav caj dab tuag ua tim khawv nyob As Mes Nias teb.
Lub npe ‘Npas Tos Los Mas Yos’ txhais tias ‘Tis Los Mas Yos tus tub’.
