Leej Ntshiab Nis Kos Las los yog Xaas Tas Nkos (Santa Claus) yug xyoo 270 hauv As Nas Tos Lias. Thaum hluas Nis Kos Las tau ua Txiv Twj Cuab nyob rau Hais Nkws Tos thiab Pas Les Tis Nas teb. Tom qab Nis Kos Las raug tsa ua Tswv Qhia nyob hauv nroog Mis Las, Tws Kis teb.
Muaj ib zaj kwv huam piav txog Nis Kos Las tias nws pom ib tus ntxhais tawm rooj mus ua nyab, tab sis tus ntxhais no tsev neeg txom nyem; Nis Kos Las thiaj muab hnab ntim nyiaj mus tso rau hauv tus ntxhais no tsev kom nws muaj nyiaj tawm rooj mus yuav tus nraug vauv. Tom qab tus ntxhais nrab thiab ntxhais ntxawm tawm rooj, los nkawd kuj tau kev pab cawm ntawm Nis Kos Las tib yam nkaus.
Thaum tus vaj Dais Os Nkis Tshias kav Los Mas, cov ntseeg raug tsim txom; Nis Kos Las raug ntes kaw hauv tsev loj faj. Tom qab Koos Taas Tis Nus sawv ua vaj lawm, Nis Kos Las raug tso tawm hauv tsev loj faj, nws nrog tsoom Tswv Qhia sib sau sab laj hauv lub Rooj Ncauj Lus nyob Nis Kes.
Hnub tim 6 lub 12 hlis xyoo 343, Nis Kos Lais tas sim neej.
