Los Npaws Tos yug hnub tim 4 lub 10 hli xyoo 1542, hauv Is Tas Lias teb. Xyoo 1560, Los Npaws Tos txiav siab ua Txiv Twj Cuab hauv lub koom haum Yes Xus Is. Thaum Los Npaws Tos muaj 26 xyoo nws txais Cim Tiag Tes ua Leej Choj nyob hav Los Fees, Npes Zis teb.
Xyoo 1599 Vaj Qhia tsa Txiv Plig Los Npaws Tos ua Tswv Qhia Liab. Tswv Qhia Liab Los Npaws Tos yog ib tus Leej Choj tawm tsam lwm txoj kev ntseeg uas tsa tshiab los rhuav txoj kev ntseeg Kav Tos Liv xws li Lus Thes thiab Kas Vees. Tswv Qhia Liab Los Npaws Tos sau phau ntawv me me qhia txog kev ntseeg lub ntsiab rau ib zeej tsoom tau kawm.
Tim 17 lub 9 hlis 1621 Tswv Qhia Liab Los Npaws Tos mam tuag. Tswv Qhia Liab Los Npaws Tos sau nyob hauv nws phau ntawv tias ‘Txoj hauj lwm tseem ceeb tshaj plaws hauv kev muaj txoj sia, yog npaj lub neej nyob hauv txoj kev tuag.’
